ەل تاۋەلسىزدىگىنىڭ 30 جىلدىعى قارساڭىندا قايمانا قازاقتى قۋانتقان جاڭالىق بولدى. قانشاما جىلدار بويى اتاۋى وزگەرمەگەن قاراعاندىداعى وكتيابر اۋدانىنا الاش كوسەمى ءاليحان بوكەيحاننىڭ ەسىمى بەرىلدى.
[smartslider3 slider=1396]
وبلىس اكىمى جەڭىس قاسىمبەكتىڭ قاتىسۋىمەن وتكەن وبلىستىق ءماسليحاتتىڭ كەزەكتى IX سەسسياسىندا وكتيابر اۋدانىن ءاليحان بوكەيحان اتىنداعى اۋدان دەپ وزگەرتۋ تۋرالى وبلىس اكىمىنىڭ قاۋلىسى ماقۇلداندى. الاش ارداقتىسىنىڭ ەسىمىن بەرەردەن بۇرىن اۋدانداعى اۋلالار اباتتانىپ, جاڭا الەۋمەتتىك نىساندار پايدالانۋعا بەرىلدى. ونەركاسىپ نىساندارى اشىلىپ, جاڭا جۇمىس ورىندارى پايدا بولدى. مايقۇدىقتاعى تاسجول جوندەلدى. وسىلايشا اۋدان حالقىنىڭ الەۋمەتتىك ماسەلەلەرى شەشىلۋدە.
