«ءوندىرىس» تۇرعىن ءۇي الابىنىڭ تۇرعىندارى 10 اقپاننان باستاپ قالا اراسىنا №104 جاڭا ەكسپرەسس باعدارىمەن قاتىناي الادى.
«سۋسامىر كوشەسى» ايالداماسىنان شىققان جاڭا باعدار «ازيا پارك» سوو ايالداماسىنا دەيىن جۇرەتىن بولادى. سۋسامىر كوشەسىنەن باستاپ قوزعالعان اۆتوبۋس كرىلوۆ, شيەلى, توقتاروۆ, كەمەڭگەرۇلى, اقبيداي, ءوندىرىس, ۇشقوڭىر, تايبۋرىل, يگىلىك, گوگول, جاڭاجول, اقجول, پۋشكين, ج.تاشەنوۆ, شالقىما, ماڭگىلىك ەل, دوستىق كوشەلەرى ارقىلى جۇرەدى.
كەرى باعىتتا اۆتوبۋس دوستىق كوشەسىنەن باستاپ, («حان شاتىر» سوو ارتى) اينالما جولدى اينالادى. بۇدان سوڭ باعىت تۇران داڭعىلى, اقمەشىت قوناەۆ كوشەلەرىنە سوعىپ, ءارى قاراي ۇقساس قوزعالىس سىزباسى بويىنشا جۇرەدى.
نۇرداۋلەت كاكىشەۆ
