شاھارداعى باعانى تۇراقتاندىرۋ جانە تۇرعىندارعا ازىق-تۇلىكتى قولجەتىمدى باعادا ساتىپ الۋ مۇمكىندىگىن ۇسىنۋ ماقساتىندا ەلورداداعى «دۋمان» سوو ورتالىعىنىڭ, ق. مۇڭايتپاسوۆ اتىنداعى ستاديوننىڭ, وقۋشىلار سارايىنىڭ اۆتوتۇراق اۋماعىندا جارمەڭكەلەر ۇيىمداستىرىلۋدا. وندا رەسپۋبليكانىڭ تۇكپىر-تۇكپىرىنەن اكەلىنگەن ازىق-تۇلىك ونىمدەرى ارزان باعادا ساتىلادى.
وسى اپتادا بيىلعى 54-ءجارمەڭكە ءوتتى. شارا بارىسىندا بىرقاتار ازىق-تۇلىك تاۋارلارىنىڭ باعاسى كادىمگىدەي تومەندەگەنىن بايقادىق. مىسالى, استانا قالاسى مەن قىزىلوردا وبلىسى اكىمدىكتەرى اراسىندا جاسالعان مەموراندۋم اياسىندا بۇل جولى كۇرىشتىڭ كەلىسى 175 تەڭگە بولدى.
قالالىق اۋىل شارۋاشىلىق باسقارماسى وكىلدەرىنىڭ ايتۋىنشا, 3 قىركۇيەكتەن باستاپ اپتا سايىن وڭىرلىك جارمەڭكەلەر وتكىزۋ جوسپارلانىپ وتىر. ءار جارمەڭكە كەزىندە باقىلاۋشىلار باعاعا مونيتورينگ ءجۇرگىزەدى. سونداي-اق, بارلىق ءجارمەڭكە الاڭدارىنا تەكسەرۋ تارازىلارى قويىلادى. مۇنىڭ ءبارى باعانى قولدان كوتەرمەلەۋگە جول بەرمەۋ ءۇشىن جاسالماقشى.
جالپى, جارمەڭكەلەر ماۋسىمى باستالعالى بەرى ەلوردادا قۇنى 660 ميلليون تەڭگە كولەمىندەگى 1304 توننا اۋىل شارۋاشىلىق ءونىمى ساتىلىپتى.
بوتاگوز ماراتقىزى
