استانا اكىمى اسەت يسەكەشەۆ كەشە قالانىڭ بىرقاتار نىساندارىن ارالاپ, ىسكە اسىرىلاتىن جوبالاردىڭ بارىسىن باقىلادى.
قالاباسى «قۇلاگەر» تۇرعىن-ءۇي كەشەنىنىڭ 2 جانە 4-ۇيلەرىنىڭ ماڭايى جولعا دەيىن تۇگەل اسفالتتالىپ, ۇلكەن اۆتوتۇراق بولاتىنىن ايتتى. سونداي-اق, اۋلالارعا كولىكتەردىڭ كىرىپ-شىعۋىن تىيۋ ءۇشىن شلاگباۋم قويۋ جونىندە پيك ارقىلى تۇرعىندارمەن كەلىسىمگە كەلۋ ماڭىزدى. ءسويتىپ, اۋلالارعا بالالار الاڭى مەن سپورت الاڭدارى جانە گۇلباقتار ورنالاسپاق.
وزەكتى ماسەلەلەردىڭ ءبىرى – ورامىشىلىك جولدار. بيىل ەسىل اۋدانىندا وسىنداي 18 جول جاسالماق. اكىم «ينفينيتي» تۇرعىن-ءۇي كەشەنىنىڭ ماڭىنداعى جۇمىستارمەن تانىستى. ايتۋىنشا, مامىر ايىندا بارلىق جولدار جونگە كەلتىرىلەدى.
وعان قوسا, قالاباسى ماڭىزدى جوبالاردىڭ ءبىرى رەتىندە قابانباي باتىر كوشەسىنەن سىعاناق كوشەسىنە دەيىنگى جول بويىنان تۇسەتىن جاياۋ ادامدارعا جانە ۆەلوسيپەدشىلەرگە ارنالعان تروتۋارلاردىڭ قۇرىلىسى ەكەنىن اتادى.
ورىنبەك وتەمۇرات
