كۇننەن-كۇنگە ساۋلەتتەنىپ, ىرگە كەڭەيتىپ كەلە جاتقان باس قالامىزدا قوعامدىق كولىكتىڭ الاتىن ورنى ايىرىقشا. رەسمي مالىمەتتەر بويىنشا تۇرعىن حالقى سەگىز ءجۇز مىڭنان اسقان مەگاپوليستەگى قالا ىشىلىك اۆتوبۋس قاتىناستارىنىڭ جاقسى جولعا قويىلۋى تەك ءتارتىپتى قامتاماسىز ەتىپ قويمايدى, ادامداردىڭ ەركىن ءجۇرىپ-تۇرۋىنا دا وڭ اسەرىن تيگىزەدى.
وسىعان وراي, بۇگىنگى تاڭدا ەلوردانىڭ قوعامدىق كولىك سالاسىندا ايتارلىقتاي وزگەرىستەر ورىن الۋدا.
ءبىرىنشى كەزەكتە, بۇل «Astana EXPO-2017» حالىقارالىق كورمەسىن وتكىزۋدە ءتيىستى دەڭگەيدە قولايلى جاعداي جاساۋعا باعىتتالعان جۇمىستىڭ جاڭا ۇلگىسىنە تىكەلەي قاتىستى. «ءبىز بارلىق وزگەرىستەردى دۇرىس قابىلداۋدامىز جانە ول وزگەرىستەردىڭ العاشقى وڭ ناتيجەلەرىن كورۋدەمىز» دەيدى قالالىق قوعامدىق كولىك مەكەمەلەرى باسشىلارى.
قالاداعى №1, 2, 3, 4 جانە №6 اۆتوبۋس پاركتەرى باسشىلارىنىڭ ايتۋىنشا, كولىك سالاسىنىڭ ماماندارى ءوز جۇمىستارىن تياناقتى اتقارۋدا. ال, تۇيتكىلدى ماسەلەلەردى قالا اكىمشىلىگىمەن بىرلەسە شەشەدى.
قازىر اۆتوپاركتەر زاماناۋي تالاپتار مەن اقپاراتتىق تەحنولوگيالاردى پايدالانا وتىرىپ, تولىق كولەمدە جولاۋشىلاردى تاسىمالداۋعا مۇددەلى. كەيىنگى كەزدە جۇرگىزۋشىلەر مەن كوندۋكتورلاردىڭ بىلىكتىلىگىن ارتتىرۋ باعىتىندا دا بەلسەندى جۇمىستار جۇرگىزىلۋدە.
– ارقايسىمىز ءوز سالامىزدى جەتىك مەڭگەرگەنبىز. سوندىقتان, ەلوردانىڭ قوعامدىق كولىك سالاسىن جەتىلدىرۋ باعىتىنداعى جاۋاپكەرشىلىكتى سەزىنەمىز, – دەيدى № 1, 2, 3, 4 جانە №6 اۆتوبۋس پاركتەرىنىڭ وكىلدەرى.
ولار تۇيتكىلدى ماسەلەلەردىڭ وڭ شەشىمىن تاۋىپ, قالا تۇرعىندارىنا ساپالى قىزمەت كورسەتۋگە قۇلشىنا كىرىسىپ وتىر.
جۇما عازيەۆ
