ەلوردالىق ءورت ءسوندىرۋشى جۇكتى ايەل مەن ءتورت بالانى قۇتقاردى.
6 مامانداندىرىلعان ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى, ازاماتتىق قورعاۋ سەرجانتى ايدارحان كەمالادينوۆ 14 قازان كۇنى سارىارقا كوشەسىندەگى «كەنەسارى» تۇرعىن ءۇي ماڭىندا بولعان. «ءورت بولعان كۇنى مەن سول ماڭايعا قوناققا بارعانمىن. ۇيدەن شىققان بويدا, 7-قاباتتان ءورت ءتۇتىنىن بايقاپ, پاتەردە ادام بار شىعار دەگەن ويمەن ىشكە كىردىم. ۇيدە جۇكتى ايەل مەن ءتورت بالا بار بولدى. ولار ابدىراپ, وزدەرىنشە شىعۋعا دايىندالىپ جاتىر ەكەن. دەرەۋ ءوز قىزمەتىمە كىرىسىپ كەتتىم. ولاردى سابىر ساقتاۋعا شاقىرىپ, ايەل مەن بالالارىن تومەنگە تۇسىرە باستادىم. وسى كەزدە ءورت ءسوندىرۋ قىزمەتى دە كەلىپ ۇلگەردى» دەيدى ايدارحان كەمالادينوۆ.
ءورت سوندىرۋشىلەر 7-قاباتتاعى 10 شارشى مەتر الاڭدا ءۇي زاتتارى مەن تەرەزە جاقتاۋلارى جانعانىن, سونداي-اق 8-قاباتتىڭ بالكونى زارداپ شەككەنىن انىقتادى.
19 قازان ەلىمىزدە – قۇتقارۋشىلار كۇنى. بيىل ازاماتتىق قورعاۋ ورگاندارىنىڭ 25 جىلدىعى اتاپ وتىلەدى. قر پرەزيدەنتى قۇتقارۋ قىزمەتىنە ەرەكشە مارتەبە بەردى. مەملەكەت باسشىسى قازاقستان حالقىنا ارناعان جولداۋىندا توتەنشە جاعدايلار مينيسترلىگىن قايتا قۇرۋدىڭ ماڭىزدىلىعىن اتاپ ءوتتى.
بيىل تجد قىزمەتكەرلەرى 500-گە جۋىق ادام قۇتقارىپ, 1,5 مىڭنان اسا ادامدى ەۆاكۋاتسيالاعان.
