«استانا سۋ ارناسى» كوممۋنالدىق كاسىپورنى تۇتىنۋشىلار قارىزدى تولىق وتەگەن جاعدايدا ءوسىمپۇلدى الىپ تاستايتىن بولىپ شەشتى. بۇل يگى شارا كاسىپورىننىڭ 55 جىلدىعىنا وراي ۇيىمداستىرىلىپ وتىر.
تۇتىنۋشىلار كوممۋنالدىق كاسىپورىننىڭ ءوسىمپۇلدى الىپ تاستاۋ بويىنشا ءبىر جولعى ناۋقانىن پايدالانىپ قالۋ ماقساتىندا سۋ-كارىزدىك قىزمەتى ءۇشىن قارىزدى تولىق وتەگەننەن كەيىن عانا ءوتىنىش پەن تۇبىرتەكتىڭ كوشىرمەلەرىمەن مەكەمەنىڭ ەسەپ ايىرىسۋ-ابونەنتتىك ۋچاسكەلەرىنە كەلۋى قاجەت. ءبىر ەسكەرەرلىگى, كورسەتىلگەن قىزمەتتەر ءۇشىن قارىزدى 31 شىلدەگە دەيىن تولىقتاي وتەپ بولۋ كەرەك.
«استانا سۋ ارناسى» مكك حالىققا بىرنەشە جىلدان بەرى سۋمەن جابدىقتاۋ جانە سۋ بۇرۋ قىزمەتتەرىن ۇسىنىپ كەلەدى. سونىمەن قاتار, سۋ قۇبىرى جەلىلەرى مەن قۇرىلىستارىن, كارىزدەرىن پايدالانۋدى ورىندايدى. قازىرگى ۋاقىتتا ۇيىمنىڭ جالپى قىزمەت ساپاسى ودان ءارى دامىپ, يننوۆاتسيالىق تەحنولوگيالار كەزەڭىنە قادام باسۋدا. ءتىپتى, ەۋروپالىق بيزنەس قاۋىمداستىعى كاسىپورىن جۇمىسىنا وزدەرىنىڭ جوعارى باعاسىن بەرىپ, «BestEnterprise» حالىقارالىق سىيلىعىنا ۇسىنعان دا بولاتىن.
