«نۇر وتان» پارتياسى استانا قالالىق فيليالىندا دەموكراتيالىق كۇشتەر جالپىۇلتتىق كواليتسياسىنىڭ جەر رەفورماسىنا بايلانىستى وتىرىسى ءوتتى.
شاراعا اتالمىش ۇيىممەن بىرگە قكحپ, «اق جول», «اۋىل», «بىرلىك» پارتيالارى, قازاقستان حالقى اسسامبلەياسى, ازاماتتىق اليانس, كاسىپوداقتىق ورتالىق, كاسىپكەرلەر پالاتاسى, قازاقستان رەسپۋبليكاسى ارداگەرلەرىنىڭ ۇيىمى, رەسپۋبليكالىق ايەلدەر وداعى, اۋعانستان ارداگەرلەرى مەن ءمۇگەدەكتەرىنىڭ ۇيىمى وكىلدەرى, جەرگىلىكتى ءماسليحات دەپۋتاتتارى قاتىستى. كەزدەسۋگە شارۋا قوجالىقتارىنىڭ باسشىلارى دا شاقىرىلدى.
جيىن بارىسىندا اۋماقتاعى جەر ماسەلەسىنە قاتىستى قويىلعان سۇراقتارعا استانا قالاسى جەر قاتىناستارى ءجانە جەردىڭ پايدالانىلۋى مەن قورعالۋىن باقىلاۋ باسقارماسىنىڭ جەر كاداسترى ءبولىمى باسشىسى شىڭعىس بەكتەمىر, استانا قالاسى قوعامدىق كەڭەسىنىڭ توراعاسى سانسىزباي ەسىلوۆ جاۋاپ بەردى. تالقىلاۋعا بارلىق قاتىسۋشىلار بەلسەنە قاتىسىپ, جەر زاڭناماسى تۋرالى ويلارىن اشىق ايتۋعا ءمۇمكىندىك الدى. قابىلدانعان جەر رەفورماسى اگروونەركاسىپ سەكتورىنىڭ جەدەل دامۋىندا نەگىزگى قۇرال بولارىن تالقىلاپ, ناتيجەسىندە وتانداستارىمىزعا ارنالعان ۇندەۋ قابىلدادى. بۇل قۇجاتتا قازاقستاندىقتاردى وسى تاقىرىپتاعى سىندارلى ديالوگتارعا قوسىلۋعا شاقىردى.
بوتاگوز ماراتقىزى
