ەلىمىزدە جىل سايىن 17 ناۋرىزدا وتەتىن جالپى ءبىلىم بەرەتىن پاندەر بويىنشا رەسپۋبليكالىق وليمپيادا باستالدى. ول بيىل العاش رەت بىردەن جەتى وڭىردە وتەدى, دەپ حابارلايدى astana-akshamy.kz قر وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
بۇل سانيتارلىق, مەديتسينالىق جانە ءورت قاۋىپسىزدىگى مەن قوعامدىق ءتارتىپتىڭ بارلىق نورمالارىن كۇشەيتۋگە مۇمكىندىك بەرەدى.
جاراتىلىستانۋ-ماتەماتيكالىق باعىت:
17-21 ناۋرىز – استانا ق. فيزيكا, ماتەماتيكا;
24-28 ناۋرىز – الماتى ق. ينفورماتيكا, گەوگرافيا;
27-31 ناۋرىز – پاۆلودار ق. حيميا, بيولوگيا.
قوعامدىق-گۋمانيتارلىق باعىت:
1-5 ءساۋىر – قوستاناي ق. ورىس تىلىندە وقىتاتىن مەكتەپتەردەگى قازاق ءتىلى مەن ادەبيەتى;
7-11 ءساۋىر – اتىراۋ ق. قازاق تىلىندە وقىتاتىن مەكتەپتەردەگى ورىس ءتىلى مەن ادەبيەتى;
14-18 ءساۋىر – وسكەمەن ق. قازاقستان تاريحى, قۇقىقتانۋ نەگىزدەرى;
20-24 ءساۋىر – پەتروپاۆل ق. اعىلشىن, نەمىس جانە فرانتسۋز تىلدەرى.
وليمپيادانىڭ رەسپۋبليكالىق كەزەڭىنە بارلىعى 1668 وقۋشى قاتىسادى. جاراتىلىستانۋ-ماتەماتيكالىق – 946 جانە قوعامدىق-گۋمانيتارلىق باعىتتار بويىنشا 772 وقۋشى باق سىنايدى. ايتا كەتەيىك, قاتىسۋشىلار اراسىندا 87 وليمپيادالىق رەزەرۆ مۇشەسى جانە اۋىل مەكتەپتەرى اراسىنداعى رەسپۋبليكالىق وليمپيادانىڭ 65 جەڭىمپازى بار.
