كەشە مەملەكەت باسشىسى قاسىم-جومارت توقاەۆ استانا قالاسىنىڭ اكىمى جەڭىس قاسىمبەكتى قابىلدادى, دەپ حابارلايدى astana-akshamy.kz.
ەلوردا اكىمى قالانىڭ الەۋمەتتىك-ەكونوميكالىق جانە ينفراقۇرىلىمدىق دامۋى جونىندە مالىمەت بەردى. ونىڭ ايتۋىنشا, بارلىق نەگىزگى ەكونوميكالىق كورسەتكىشتەر بويىنشا وڭ ديناميكا بايقالاتىنىن ايتتى. بىلتىر تارتىلعان ينۆەستيتسيا كولەمى 1,6 تريلليون تەڭگەنى قۇراعان. وڭدەۋ ونەركاسىبى, ءبىلىم, مەديتسينا, لوگيستيكا, كولىك جانە باسقا دا سالالاردا ىسكە اسىرىلعان جوبالاردىڭ ناتيجەسىندە 1,8 مىڭ جۇمىس ورنى اشىلعان. وتكەن جىلى JOLTAP جوباسى اياسىندا 6 مىڭعا جۋىق ازامات جۇمىسقا ورنالاسقان. ال بيىل جۇمىسپەن قامتىلاتىن ازاماتتاردىڭ سانىن 2 ەسە ۇلعايتۋ, ياعني 12 مىڭ ادامنان اسىرۋ جوسپارلانىپ وتىر. جالپى 2024 جىلى 58 مىڭعا جۋىق جۇمىس ورنىن اشۋ كوزدەلگەن.
بىلتىر كۇزدە «وڭتۇستىك-شىعىس» گاز جىلۋ ستانتسياسىن, «تۇران» گاز جىلۋ ستانتسياسىنىڭ ءبىرىنشى كەزەگىن جانە ءۇشىنشى جەو-نى ىسكە قوسۋ ناتيجەسىندە جىلۋ قالا بويىنشا ۇزاق ۋاقىتتان بەرى العاش رەت ارتىعىمەن بەرىلىپ جاتىر. ەلوردانىڭ تىنىس-تىرشىلىگىن قامتاماسىز ەتەتىن بۇل نىسانداردىڭ قۋاتى – ساعاتىنا 1140 گيگاكالوريا. بيىل «تەلمان» گاز جىلۋ ستانتسياسىنىڭ ءبىرىنشى كەزەگى جانە «تۇران» گاز جىلۋ ستانتسياسىنىڭ ەكىنشى كەزەگى, ءۇشىنشى جەو-نىڭ كومىرمەن جىلىتىلاتىن بولىگىنىڭ ىسكە قوسىلاتىنى تۋرالى مالىمەت بەردى. بۇل نىساندار قالانى قوسىمشا 600 گكال/ساعات جىلۋ قۋاتىمەن قامتاماسىز ەتەدى;
الەۋمەتتىك نىسانداردىڭ قۇرىلىسى, اپاتتى جاعدايداعى ەسكى ۇيلەردى ءسۇرۋ, قۇرىلىسى ۇزاققا سوزىلعان نىسانداردى سالىپ ءبىتىرۋ, تۇرعىن ءۇي الاپتارىن دامىتۋ, قالانى اباتتاندىرۋ جانە كوگالداندىرۋ جۇمىستارى تۋرالى ايتتى.
پرەزيدەنت قاسىم-جومارت توقاەۆ ەلوردانى ودان ءارى دامىتۋ جونىندە بىرقاتار تاپسىرما بەردى.
