استانا اكىمى جەڭىس قاسىمبەك Instagram پاراقشاسىندا ارداگەرلەردى ارنايى قۇتتىقتاعانىن جازدى, دەپ حابارلايدى astana-akshamy.kz
«ارداگەرلەردى جەڭىس كۇنىمەن قۇتتىقتادىم! ولاردىڭ ەرلىگىنىڭ, جانكەشتىلىگى مەن قايسارلىعىنىڭ ارقاسىندا ەلىمىزدە تىنىشتىق پەن بەرەكە ورنادى.
مەملەكەت باسشىسىنىڭ اتىنان رايسا ەگوروۆناعا III دارەجەلى «ايبىن» وردەنىن تابىستادىم. 1944 جىلى رايسا ەگوروۆنا ءوز ەركىمەن مايدانعا اتتانعان. رۋمىنيانى, ۆەنگريانى, بەسسارابيانى ازات ەتۋگە ۇلەس قوسقان. ال نەگىزگى جەڭىس كۇنىن بۋداپەشت قالاسىندا اتاپ ءوتتى. رايسا ەگوروۆنا كەلەر جىلى 100 جاسقا تولادى.
جاقان سەيسەباەۆ 17 جاسىندا اسكەرگە شاقىرىلعان. بەلارۋس جەرىن ازات ەتۋگە قاتىسىپ, قۇپيا بولىمدە نىساناشى بولدى. جاقان سەيسەباەۆ تا كەلەر جىلى 100 جاسقا تولادى.
قاتال تاعدىر ۇلى وتان سوعىسىنىڭ ءاربىر ارداگەرى مەن قاتىسۋشىسىن ەشقاشان قايىستىرماعان. ولاردىڭ قيىندىققا تولى ءومىر جولى كەيىنگى ۇرپاققا قاشاندا ۇلگى بولماق. ءبىزدىڭ بورىشىمىز – ولارعا قۇرمەت كورسەتۋ, ەرلىكتەرىن ەسكە الۋ.
جەڭىستىڭ 79 جىلدىعى قۇتتى بولسىن! ارداگەرلەر مەن تىل ەڭبەككەرلەرىنە زور دەنساۋلىق, اماندىق تىلەيمىن!» – دەپ جازدى جەڭىس قاسىمبەك.
