پارتيالىق باعدارلاما پارمەنى
قالا تۇرعىندارى سانىنىڭ ارتۋىمەن قاجەتتىينجەنەرلىك-ينفراقۇرىلىمعا دەگەن سۇرانىس تا ءوستى. وسى ورايدا ەلوردادا Nur Otan پارتياسىنىڭ 2025 جىلعا دەيىنگى سايلاۋالدى باعدارلاماسى اياسىندا جاڭا سورعى-سۇزگى ستانساسىنىڭ قۇرىلىسى بويىنشا اۋقىمدى جوبا قولعا الىندى.
قالا تۇرعىندارىنىڭ اۋىز سۋعا سۇرانىسىن قامتاماسىز ەتەتىن سورعى-سۇزگى ستانساسىندا 17 شاقىرىمدىق سۋ تارتقىشى بار. بۇل ستانسا قالانىڭ سول جاعالاۋىنداعى تۇرعىن ءۇي كەشەندەرىمەن بىرگە مىڭجىلدىق اللەياسىن دا اۋىز سۋمەن قامتاماسىز ەتۋگە قابىلەتتى.
جالپى «وزگەرىستەر جولى: ءار ازاماتقا لايىقتى ءومىر!» دەپ اتالاتىن سايلاۋالدى باعدارلاماسى اياسىندا قالامەن بىرگە قالا ماڭىنداعى ەلدى مەكەندەرگە جالپى ۇزاقتىعى 130 شاقىرىم بولاتىن سۋمەن جابدىقتاۋ جانە سۋ بۇرۋ جەلىلەرى تارتىلماق. سونداي-اق 2025 جىلعا دەيىن قالا تۇرعىندارىنىڭ ساپالى ءومىر ءسۇرۋىن قامتاماسىز ەتۋ ءۇشىن 85 شاقىرىمدىق نوسەر كارىزىنىڭ دە قۇرىلىسى قاتار جۇرگىزىلدى.
بۇگىنگە دەيىن قالانى الەۋمەتتىك-ەكونوميكالىق دامىتۋمەن بىرگە ينجەنەرلىك ينفراقۇرىلىمدى جەتىلدىرۋدى قامتيتىن جەتەكشى پارتيانىڭ كوپجىلدىق باعدارلاماسىنداعى 44 پۋنكت بويىنشا جوسپار تولىقتاي جۇزەگە اسقان. جىل سوڭىنا دەيىن 84 پۋنكتتى ىسكە اسىرۋ جوسپارلانعان.