ءسان الەمىنىڭ سوڭعى ترەندتەرىن قۇر جىبەرمەيتىن سىلقىمدار ءۇشىن ءسۇيىنشى جاڭالىق! ەرتەڭ ەلورداداعى «حاس سانات» ونەر گالەرەياسىندا اتاقتى فرانتسۋز ديزاينەرى لامين موحامەدتىڭ «پاتشايىم كويلەكتەرى» اتتى جەكە كورمەسى اشىلادى. ءۇش اپتاعا سوزىلاتىن بۇل شارانىڭ ۇيىمداستىرىلۋىنا فرانتسيانىڭ قازاقستانداعى ەلشىلىگى تىكەلەي مۇرىندىق بولىپ وتىر.
لامين موحامەدتىڭ كورمەلەرى بۇعان دەيىن ەۋروپا, امەريكا جانە افريكادا ءوتىپتى. ونىڭ نەگە سونشالىقتى تانىمال بولعانىن بىلەسىزدەر مە؟ ويتكەنى, ستيليست ايگىلى فرانتسۋز پاتشايىمدارىنا ارناپ كويلەك تىككەن. ءيا-ءيا, ءلاميننىڭ كوللەكتسياسىندا فرەدەگوندا, فرانتسۋز بلانكاسى, ءىى فرانتسۋز جانناسى, جاننا بۋربونسكايا, يزابەل اراگونسكايا, ءتىپتى, كونستانتسيا كاستيلسكايا سىندى سۇلۋلاردىڭ نەبىر كەرەمەت كويلەكتەرى بار.
كورمەدەگى كيىمدەردىڭ باستى ەرەكشەلىگى, ولار «اۆاتار» فيلمىندەگى بويى ءۇش مەترگە دەيىن جەتەتىن ايەلدەرگە عانا شاق كەلۋى مۇمكىن. وسى تۇستا ستامبۇلدا جەرلەنگەن سۇلتانداردىڭ الىپ قابىرلەرى ەسكە تۇسەدى. الايدا بۇدان الگى كويلەكتەر داڭقتى پانتاگريۋەلدىڭ اناسى ەتجەڭدى گارگامەللەگە سىياتىنداي كەڭ دەپ تۇسىنبەۋ كەرەك. كيىمدەر وتە ارىق ءارى بويشاڭ قىزدارعا, ياعني, بۇگىنگى تاڭداعى پوديۋم پاتشايىمدارىنا تۇپ-تۋرا.
كويلەكتەردىڭ ءار بەدەرى, ويۋ-ورنەگى, تىگىسى ءبىر-بىرىنە ۇقسامايتىنداي ەرەكشە. انىقتاپ قاراساق, نەبىر كەرەمەت دەتالداردى بايقاۋعا بولادى. «كوپ ەستىگەننەن ءبىر رەت كورگەن ارتىق» دەمەي مە مۇندايدا حالىق؟ ەندەشە, ءتيىمدى مۇمكىندىكتى قۇر جىبەرىپ الماڭىزدار.
بوتاگوز ماراتقىزى
