قالا اكىمى اسەت يسەكەشەۆتىڭ قۇرىلىس سالاسىنىڭ ساپاسىن تەكسەرۋ بويىنشا بەرگەن تاپسىرماسىنا سايكەس, بەس جۇزگە جۋىق پيك-ءتىڭ جۇمىسى تەكسەرىلۋدە.
قالالىق ورتا ساپاسى جانە باقىلاۋ باسقارماسىنىڭ ماماندارى شاھارداعى ەڭ كوپ شاعىم تۇسكەن 41 پيك-ءتىڭ 10-ىنا ەسكەرتۋ جاساعان. ناتيجەسىندە ولاردىڭ 7-ءۋى ولقىلىقتارىنىڭ ورنىن تولتىرعان. ال ەسكەرتۋلەردى ەسكەرمەگەنى ءۇشىن «ادال» كووپەراتيۆى (رەسپۋبليكا داڭع., 29) مەن «تۇرمىس» جشس-ءتىڭ (187-كوش, 18-ءۇي) ىستەرى مامانداندىرىلعان اۋدانارالىق اكىمشىلىك سوتقا جىبەرىلسە, «وزپ «سايران» تك» (كۋبرين كوش., 20/1) كووپەراتيۆىنە ايىپپۇل سالىنعان.
تەكسەرىس بارىسىندا بەلگىلى بولعانداي, زاڭ بۇزۋشىلىققا جول بەرگەن پاتەر يەلەرى كووپەراتيۆتەرى تاريفتەردى ءوز بەتتەرىنشە بەلگىلەپ, تۇرعىن ءۇي پاتەر يەلەرىنىڭ الدىندا توقساندىق ەسەپ جاساماعان. سونىمەن قاتار, ولاردا نىساننىڭ كوندومينيۋمدىك تىركەۋى, ەكسپلۋاتاتسيالىق شىعىندار ءۇشىن شىعىستار سمەتاسى جانە ەكىنشى دەڭگەيلى بانكتەردىڭ اعىمداعى شوت پەن جيناعى بولماي شىققان. ونىمەن قوسا, توبە جابىندىسى, ءۇيدىڭ سىرتقى كەلبەتى, ىشكى ينجەنەرلىك جۇيەسى (سۋ, جىلۋ, ەلەكتر جابدىقتاۋمەن قامتاماسىز ەتۋ) جونىندەگى حاتتامالارى دا دۇرىس بولماعان.
ەسكە سالا كەتەيىك, سەرۆيستىك كومپانيالاردىڭ قىزمەت كورسەتۋ ساپاسىن باقىلاۋ ءۇشىن قالامىزدا «ە-كسك» جۇيەسى ەنگىزىلگەن بولاتىن. بۇل جۇيە پاتەر يەلەرى الدىندا قىزمەت كورسەتۋشى كومپانيا مەن پيك-ءتىڭ جۇمىس ساپاسىن, قارجى شىعىنىن اشىق كورسەتۋگە مۇمكىندىك بەرەدى. سونداي-اق «ە-كسك» ارقىلى ءۇي يەسىنىڭ جەكە كابينەتىن اشىپ, پاتەر يەلەرى كووپەراتيۆى كورسەتەتىن قىزمەت تۇرلەرىنە تاپسىرىس بەرۋگە دە بولادى.
