پرەزيدەنتتىڭ ۆيرتۋالدى قابىلداۋ بولمەسى اشىلدى
مەملەكەت باسشىسى قاسىم-جومارت توقاەۆ ەل تۇرعىندارىن وزىنە ۆيرتۋالدى قابىلداۋ بولمەسى ارقىلى ساۋال جولداۋعا شاقىردى. بۇل تۋرالى ءوزىنىڭ Instagram-داعى پاراقشاسىندا: «قۇرمەتتى وقىرماندار! مەنىڭ پاراقشاما جازىلۋشىلار مىڭداعان وي-پىكىرلەر, ساۋالدار جازادى. كوبىنەسە جۇيەلى نەگىزدە شەشىلۋى ءتيىس ناقتى ماسەلەلەر قوزعالادى. ءار ادام ءوزىنىڭ جازعان ساۋالىنا جاۋاپ بولادى دەپ ۇمىتتەنەدى. الايدا الەۋمەتتىك جەلىلەر ارقىلى بارلىق ساۋالدارعا جاۋاپ بەرۋ مۇمكىن ەمەس. قوعاممەن ءوزارا قارىم-قاتىناستى جاقسارتۋ جانە ازاماتتاردىڭ ساۋالدارىنا جەدەل ءۇن قاتۋ ماقساتىندا www.akorda.kz سايتىندا پرەزيدەنتتىڭ ۆيرتۋالدى قابىلداۋ بولمەسى اشىلدى. ول جەرگە كەلىپ تۇسكەن ءاربىر حات رەسمي تىركەلەدى. بارلىق حاتتاردى مەن ءوزىم جانە پرەزيدەنت اكىمشىلىگىنىڭ قىزمەتكەرلەرى وقيدى. ۆيرتۋالدى قابىلداۋ بولمەسى ءار ازاماتقا سۇراق جىبەرىپ, جاۋابىن الۋعا مۇمكىندىك بەرەدى» دەپ جازدى پرەزيدەنت.