ەلوردا اكىمدىگىندە كەزەكتى اپپاراتتىق جينالىس ءوتىپ, وندا قوعامدىق قاۋىپسىزدىك, كوشە تازالىعى جانە جىلىتۋ ماۋسىمىنىڭ بارىسىنا قاتىستى ماسەلەلەر قاراستىرىلدى.
ءبىرىنشى سۇراق, تۇرعىن ءۇي قۇرىلىسىنداعى ۇلەسكەرلەردىڭ ماسەلەسى جانە پروبلەمالىق نىسانداردىڭ قۇرىلىسىن اياقتاۋ ماسەلەلەرىنە قاتىستى بولدى. ول بويىنشا استانا قالاسى اكىمىنىڭ ءبىرىنشى ورىنباسارى سەرگەي حوروشۋن بايانداما جاسادى.
«ۆەدومستۆوارالىق كوميسسياسىندا پروبلەمالى نىسانداردىڭ «نۇرلى جەر» تۇرعىن ءۇي قۇرىلىسى باعدارلاماسىنا قاتىسۋ ماسەلەلەرىن قاراستىرۋ بويىنشا جۇمىستار جالعاسۋدا» دەدى س. حوروشۋن. ونىڭ ايتۋى بويىنشا, ۆاك-تىڭ ءۇش وتىرىسىنىڭ قورىتىندىسى بويىنشا «ەلوردا قۇرىلىس كومپانياسى» جشس ۋاكىلەتتى ۇيىمىنىڭ نەسيەلىك قارجى ەسەبىنەن قۇرىلىستى اياقتاۋ ءمۇمكىندىگىن قاراستىرۋ ءۇشىن كەلەسى نىساندار ناقتىلانىپ, ۇسىنىلدى: ولار – «جاعالاۋ-3» تك, «جاعالاۋ-4» تك, «شىعىس» تك, «ستوليچنىي-2» تك, «پانا» تك جانە «ازبۋكا جيليا» اق 7 نىسانى («ايسانام دە ليۋكس» تك, «سادوۆىە كۆارتالى» تك, «گارانت» تك, «Comfort DeLuxe» تك, «جەتى جول» تك, «كومسومولسكي» تك, «ديناستيا» تك). «رۋح» تك, «كوكتال» تك, كوكتال تۇرعىن الابى كتۇك جانە «انيسا 2,3» تك سياقتى 4 نىسان جەكە ينۆەستورلارمەن بىرلەسكەن قىزمەت تۋرالى كەلىسىمشارتتار جاساسىپ, قۇرىلىستى «نۇرلى جەر» باعدارلاماسىنا قاتىسپاي اياقتايتىن بولدى» دەپ مالىمدەدى سەرگەي حوروشۋن.
«ازبۋكا جيليا» اق نىساندارى بويىنشا «وردا ينجينيرينگ» جشس-نە الەۋەتتى ينۆەستوردىڭ بولۋى نەمەسە بولماۋى جاعدايىندا قۇرىلىستى اياقتاۋ الگوريتمىن انىقتاۋ بويىنشا سوڭعى شەشىمگە كەلۋ ءۇشىن بارلىق تقك قاتىسۋىمەن جينالىس وتكىزۋ ۇسىنىلدى.
توتەنشە جاعدايلار, سانيتارلىق-ەپيدەميولوگيالىق جاعداي, قالا تىرشىلىگىن قامتاماسىز ەتۋ نىساندارىنىڭ اعىمداعى جاي-كۇيى جانە جىلىتۋ ماۋسىمىنىڭ بارىسى تۋرالى استانا قالاسى اكىمىنىڭ ورىنباسارى قوسمان ايتمۇحامەتوۆ باياندادى. ونىڭ ايتۋىنشا, ەلوردادا جىلىتۋ ماۋسىمى شتاتتىق رەجيمدە وتۋدە. ەنەرگيا كوزدەرى نورماتيۆتىك وتىن قورىمەن قامتاماسىز ەتىلگەن. جىلىتۋ ماۋسىمىنىڭ وتۋىنە قاتىستى بارلىق سۇراقتار اپتا سايىن وتەتىن قالالىق شتاب وتىرىسىندا قاراستىرىلۋدا. تۇرعىنداردىڭ وتىنىشتەرى مەن وتىنىمدەرى ەرەكشە باقىلاۋدا. پاتەرلەردەگى تەمپەراتۋرا باعانىنىڭ تۇسۋىنە جول بەرىلگەن جوق.
«اۋا تەمپەراتۋراسىنىڭ كۇرت تومەندەۋى كەزىندە جوعارى دەڭگەيدە جۇمىس ىستەي بىلگەن كوممۋنالدىق قىزمەتتەردىڭ ەڭبەگىن ەرەكشە اتاپ وتكەن ءجون. ءتيىستى قورىتىندىلار شىعارىپ, العا جاڭا مىندەتتەر قويۋ كەرەك» دەدى ەلوردا اكىمى.
ءدارى-دارمەك توبى مەن ونىڭ قورى تۋرالى استانا قالاسى اكىمىنىڭ ورىنباسارى ەرمەك امانشاەۆ بايانداپ بەردى. بۇگىندە قالانىڭ بارلىق ستاتسيونارلارى قاجەتتى ءدارى-دارمەك پەن مەديتسينالىق بۇيىمدارمەن قامتاماسىز ەتىلگەن. بۇل جاعداي ۇنەمى باقىلاۋدا تۇر. استانا قالاسى اكىمىنىڭ ورىنباسارى ماليكا بەكتۇروۆا جانار-جاعار ماي مەن كومىر نارىعىنداعى جاعداي تۋرالى مالىمەت بەردى. ونىڭ ايتۋىنشا, استانا ستانتسياسىنا 15, قىرقىنشى ستانتسياعا 8 ۆاگون كومىر جەتكىزىلدى.
«بۇگىندە قالادا جانار-جاعار مايدىڭ 13 كۇندىك قورى بار. بارلىق وپەراتورلار قازاقستاندىق اي 92 بەنزينىنە باعانى تومەندەتتى. جەتكىزۋ جانە ساتۋ بويىنشا كەدەرگىلەر جوق. جانار-جاعار ماي ماسەلەسىنە كەلسەك, ەلوردانىڭ ججم نارىعى ۇنەمى باقىلاۋدا» دەدى م. بەكتۇروۆا.استاناداعى كريمينوگەندىك جاعداي جانە قۇقىقتىق ءتارتىپتى قامتاماسىز ەتۋگە باعىتتالعان ءىس-شارالار بويىنشا استانا قالاسىنىڭ ىشكى ىستەر دەپارتامەنتىنىڭ باسشىسى مارات قوجاەۆ ءمالىم ەتتى.
«وكىنىشكە قاراي, وتكەن اپتادا جول-كولىك اپاتى سانى ارتتى. جالپى, 11 وقيعا تىركەلىپ, سونىڭ سالدارىنان 16 ادام ءتۇرلى دەڭگەيدەگى جاراقاتتار الدى جانە ەكى ءىرى جول-كولىك اپاتىنان 4 ادام قازا تاپتى. ال تاڭعى ساعات 8:00-دە اۋەجايعا بارار جولدا قىز بالانى كولىك قاعىپ كەتتى. ءىىد جەدەل-تەرگەۋ توبى تەز ارادا وقيعا ورنىنا جەتىپ, ءمان-جايدى انىقتادى» دەدى دەپارتامەنت باسشىسى.
استانا قالاسىنىڭ اكىمى اسەت يسەكەشەۆ قالالىق ءىىد باسشىسى مارات قوجاەۆقا تەز ارادا سوڭعى جول-كولىك اپاتىنىڭ سەبەپتەرىن سارالاپ, ولاردى جويۋ بويىنشا ۇسىنىستار ەنگىزۋدى تاپسىردى.
قالانى اباتتاندىرۋ سۇراقتارى بويىنشا الماتى, ەسىل, سارىارقا اۋدانىنىڭ اكىمدەرى بايانداما جاسادى.
