نۇر-سۇلتان قالاسىندا «قان تاپسىر – ءومىر سىيلا» اتتى قايىرىمدىلىق شاراسى ءوتتى.
قازاقستان حالقى اسسامبلەياسى مەن دەنساۋلىق ساقتاۋ مينيسترلىگىنىڭ ترانسفۋزيولوگيا عىلىمي-وندىرىستىك ورتالىعى ۇيىمداستىرعان شاراعا الدىمەن ەلوردالىق ەتنومادەني ورتالىقتاردىڭ وكىلدەرى مەن قالا تۇرعىندارى كەلدى. «دوستىق» ۇيىنە جينالعان قان تاپسىرۋشىلار ورتالىق دايىنداعان بارلىق تالاپتاردى ورىنداپ, دونور بولدى.
«بۇنداي قان تاپسىرۋ اكتسياسىنا جىل سايىن قاتىسامىن. جاسىم 59-دا. جىلىنا ءبىر مارتە دونور بولامىن. ەڭ العاش وسىدان قىرىق جىل بۇرىن تۋىسقانىمىزدىڭ بالاسى كولىك اپاتىنا ۇشىراعاندا قان تاپسىردىم. سودان باستاپ ادام ءومىرىن ساقتاپ قالۋ ءۇشىن ءوز ۇلەسىمدى قوسىپ كەلەمىن. قان ورتالىعىنان قۇرىلعان ارنايى توپ ماماندارىنىڭ ءدال جۇمىسىمىزدىڭ الدىنا كەلىپ, قىزمەت كورسەتىپ جاتقاندارى بىزگە وتە ىڭعايلى بولدى. جۇمىستان سۇرانباي-اق قانشاما جاناشىر جاندار قان تاپسىرىپ كەلىپ جاتىر» دەدى «دوستىق» ءۇيىنىڭ قىزمەتكەرى قاناتبەك امىربەكوۆ.
بەلگىلەنگەن ۋاقىتقا دەيىن شامامەن 30 ادام دونور اتانىپ, وزگە جانداردىڭ ومىرىنە ءۇمىت وتىن سىيلاۋعا كومەكتەستى.
كوكتەم قارقىن
