9 مامىر – جەڭىس كۇنىنە وراي, الماتى اۋدانى اكىمدىگىنىڭ ۇيىمداستىرۋىمەن ۇلى وتان سوعىسىنا قاتىسقان ارداگەرلەر مەن تىل ەڭبەككەرلەرىنە «ەسميرالدا» مەيرامحاناسىندا مەرەكەلىك داستارقان جايىلدى.
سالتاناتتى شاراعا اۋدان اكىمى بەكبول ساعىن, قالالىق ءماسليحات دەپۋتاتى اباي بايگەنجين جانە اۋداندىق ارداگەرلەر كەڭەسىنىڭ توراعاسى سايلاۋبەك بايبولوۆ قاتىسىپ جىلى لەبىزدەرىن ءبىلدىردى.
مەرەكەلىك شارانى ۇلى وتان سوعىسى جىلدارىندا جازىلعان شىعارمالارمەن كومكەرگەن اۋدان ونەرپازدارى مايدانگەرلەردى ءبىر قۋانتىپ تاستادى. «ءومىر مەن ءولىمنىڭ اراسىندا بولىپ, وت كەشكەن قارت جاۋىنگەرلەرگە قۇرمەت جىل ساناپ ارتىپ كەلەدى. قادىرىڭدى ءبىلىپ, ەرلىگىڭدى باعالاعان ۇرپاقتىڭ بارىنا شۇكىر» دەيدى قاريالار.
