نيۋ-يوركتە كليماتتىڭ قايتىمسىز وزگەرۋىنە دەيىن قالعان ۋاقىتتى كورسەتەتىن ساعاتتار پايدا بولدى.
عالامشارداعى تەمپەراتۋرانىڭ كوتەرىلۋىنىڭ قايتىمسىز سالدارىن بولدىرماۋ ءۇشىن ادامزاتتىڭ قانشا ۋاقىت قالعانىن كورسەتەتىن الىپ ساعاتتار نيۋ-يوركتىڭ ورتالىعىندا ورنالاسقان. «كليماتتىق ساعات» (Climate Clock) دەپ اتالاتىن قوندىرعى مانحەتتەننىڭ وڭتۇستىك بولىگىندەگى وداق الاڭىندا ورنالاسقان. ونىڭ اۆتورلارى – امەريكالىق قوعام بەلسەندىلەرى گان گولان جانە ەندريۋ بويد.
جوبا اۆتورلارى كليماتتىڭ وزگەرۋىنە قارسى تۇرۋ قاجەتتىلىگىنە قوعامنىڭ نازارىن اۋدارتۋعا دەگەن تالپىنىسى ەكەنىن ايتتى. سونىمەن اتالمىش ساعاتتى باسقا مەگاپوليستەرگە دە ورناتىلادى دەپ ۇمىتتەنەدى. ساعات Metronome دەپ اتالاتىن ءۇيدىڭ قابىرعاسىندا ورنالاسقان. ەلەكتروندى ساعات پلانەتاداعى تەمپەراتۋرانىڭ يندۋسترياعا دەيىنگى داۋىرمەن سالىستىرعاندا 1,5 گرادۋستان جوعارى كوتەرىلۋىنە جول بەرمەۋ ءۇشىن قالعان جىلدى, ايلاردى, كۇندەردى, ساعاتتاردى, مينۋتتاردى جانە سەكۋندتاردى ەسەپتەيدى ەكەن.
جاھاندىق جىلىنۋ – بۇل جەردەگى ورتاشا تەمپەراتۋرانىڭ جوعارىلاۋى. ول – 19-عاسىردىڭ اياعىنان بەرى بايقالىپ كەلە جاتقان قۇبىلىس. اتالمىش قۇبىلىس ونەركاسىپ پەن كولىكتىڭ دامۋىنان شىققان بۋلى گازداردىڭ سالدارىنان تۋىندايدى. كليماتى قۇرعاق ەلدەردە جاھاندىق جىلىنۋ ودان دا ۇلكەن قۇرعاقشىلىققا اكەلەدى. عاسىردىڭ ورتاسىنا قاراي ول اۋىز سۋ تاپشىلىعىن جانە جاپپاي اشتىقتى تۋدىرۋ ىقتيمالدىلىعى جوعارى. «كليماتتىق ساعات» بۇل اپاتقا شامامەن 6 جىل قالعانىن كورسەتىپ تۇر. بۇل ەسەپتەۋلەر پوتسدام كليماتتىق وزگەرىستەردى زەرتتەۋ ينستيتۋتى مەن فلامانديالىق عالىم گەرارد مەركاتور قورى قۇرعان بەرليندە ورنالاسقان زەرتتەۋ ورتالىعىنىڭ قورىتىندىلارىنا نەگىزدەلگەن.
