ەسىل اۋدانى اۋماعىندا 39 مىڭنان استام قۇدىق بار. ولاردىڭ 24 مىڭعا جۋىعى كوممۋنالدىق قىزمەتتەر ءۇشىن پايدالانىلادى.
ارينە, قۇدىق كوبەيگەن سايىن قاۋىپ-قاتەر دە كوبەيەدى. ماسەلەن, قۇدىق قاقپاعى اشىق قالۋ نەمەس سىنۋ, ونى ۇرلاپ كەتۋ سياقتى سەبەپتەردەن كەيبىر جۇرگىنشىلەر اشىق قۇدىققا ءتۇسىپ كەتەتىن جاعداي ۇنەمى كەزدەسەدى. وسى جاعدايعا بايلانىستى iKOMEK109 بايلانىس ورتالىعىنا حابارلاسىپ, اشىق جاتقان قۇدىقتار جايلى قۇزىرلى ورگانداردى قۇلاعدار ەتەتىن تۇرعىندار دا كوپ. ەسىل اۋدانى قاتەردىڭ الدىن الۋ ءۇشىن اۋدان اۋماعىنداعى قۇدىقتاردىڭ قاۋىپسىزدىگىن قاداعالاۋدى كۇشەيتتى. سونىڭ ناتيجەسىندە اۋدان كولەمىندە قۇدىق قاقپاقتارىنىڭ قاۋىپسىزدىگى تۇتاستاي تەكسەرىلىپ, اشىق قالعان قۇدىقتاردىڭ قاقپاعى جابىلدى, سىنعان قاقپاقتار اۋىستىرىلدى.
