قازاندا قار جاۋادى
استانادا كەشەلى بەرى جاڭبىر. ەل اۋزىندا جۇما كۇنى باستالعان جاۋىن ءبىر اپتا توقتاماي جاۋادى دەگەن ءسوز بار. ونىڭ الدىندا نوسەردىڭ سوڭى ىلعالدى قارعا ۇلاسادى دەپ بولجانعان ەدى.
«قازگيدرومەتتىڭ» حابارلاۋىنشا, 2-3 قازان كۇندەرى تۇندە اقمولا, سولتۇستىك قازاقستان, قاراعاندى وبلىستارىنىڭ, 2-4 قازان كۇندەرى تۇندە پاۆلودار وبلىسىنىڭ, 3-4 قازان كۇندەرى تۇندە شىعىس قازاقستان وبلىسىنىڭ كەي جەرلەرىندە جاۋىن-شاشىن, ونىڭ سوڭى قارعا ۇلاسادى دەپ كۇتىلۋدە. وسىعان بايلانىستى اۋا تەمپەراتۋراسى تۇندە 0-5 گرادۋسقا دەيىن تومەندەپ, اياز بولادى.
جازدىڭ جايماشۋاق كۇندەرىنە ۇيرەنىپ قالعان ەلوردا جۇرتشىلىعى كەنەت سۋىتقان اۋا رايىنا بەيىمدەلە قويعان جوق.ەندى الدا كۇزدىڭ قارا سۋىعى كەلە جاتىر. قار ارالاس جاڭبىر دا جاۋى مۇمكىن. بۇل – ناعىز قاربالاس تۋعىزاتىن ءسات. كوشەدە ادامدار بايقاۋسىزدا تايىپ جىعىلىپ, جاراقات تا الىپ جاتادى. سوندىقتان اباي بولعاندارىڭىز ءجون.