قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسى 1 قازاننان باستاپ قازاقستاندا حالىق ساناعىنىڭ ەكىنشى كەزەڭى باستالعانىن حابارلادى.
نۇر-سۇلتان قالاسىندا 1332 ينتەرۆيۋەر ونلاين فورماتتا ساۋالنامادان وزدىگىنەن وتپەگەندەرگە سۇحبات الۋشىلاردىڭ ءۇيىن ارالايدى. بۇعان دەيىن 6 ميلليوننان استام ادامنىڭ ونلاين ساناقتان وتكەنى بەلگىلى بولعان ەدى.
سۇحبات الۋشىلار ۇيلەردى 30 قازانعا دەيىن ارالايدى. بيۋرونىڭ مالىمەتىنشە, بۇل جۇمىسقا ەل اۋماعىندا 22 مىڭنان استام سۇحبات الۋشى تارتىلعان. ساناقتان وتۋگە ارنالعان پلاتفورمالارعا 15 قازانعا دەيىن ونلاين ساناقتان وتۋشىلەر ءۇشىن قولجەتىمدى بولادى. ساۋالناما كەزىندە تۇرعىنداردىڭ ءۇي شارۋالارىنىڭ جاعدايى, نەكە-وتباسى قاتىناسى, دەنساۋلىق جاعدايى سىندى بىرقاتار الەۋمەتتىك-ەكونوميكالىق كورسەتكىشتەردى انىقتاۋ بويىنشا سۇراقتار قويىلادى.
