سەربيا استاناسى بەلگرادتا بوكستان ءوتىپ جاتقان الەم چەمپيوناتىندا قازاقستان بوكسشىلارى ءساتتى ونەر كورسەتۋدە.
بايراقتى باسەكەنىڭ ەكىنشى كۇنى وسى چەمپيوناتتىڭ ەڭ تارتىستى دا قىزىقتى جەكپە-جەگى ءوتتى. 51 كەلى سالماقتا توكيو وليمپياداسىنىڭ قولا جۇلدەگەرى قازاقستاندىق ساكەن بيبوسىنوۆ پەن 2016 جىلعى وليمپيادا ويىندارىنىڭ جەڭىمپازى وزبەكستاندىق حاسونباي دۋسماتوۆ قولعاپ ءتۇيىستىردى. ەكى مىقتىنىڭ ايقاسىندا قازاق بوكسشىسى وزىنەن الدەقايدا تاجىريبەلى وزبەك بوكسشىسىنان ايلاسىن اسىرىپ كەتتى. تورەشىلەر القاسى ءبىراۋىزدان ساكەن بيبوسىنوۆتىڭ جەڭىسكە جەتكەنىن ماقۇلدادى.
سونداي-اق العاشقى جەكپە-جەكتەرىن وتكىزگەن سەرىك تەمىرجانوۆ (57 كگ), ابىلايحان ءجۇسىپوۆ (67 كگ) جانە نۇرقانات رايىس (75 كگ) ءوز قارسىلاستارىنان باسىم ءتۇستى.
الەم چەمپيوناتى 6 قاراشادا اياقتالادى.
