ءتورت مىڭنان اسا قازاقشا كىتاپتاردى جيناقتاعان «Kitap» ءموبيلدى قوسىمشاسى ىسكە قوسىلدى. جاڭا جوبانى «WikiBilim» قوعامدىق قورى «كسەلل» موبيلدىك وپەراتورىنىڭ قولداۋىمەن جۇزەگە اسىرۋدا.
– ءبىزدىڭ ماقساتىمىز – ينتەرنەتتەگى قازاقتىلدى كونتەنتتى كوبەيتۋ, قازاقتىلدى ورتانى قالىپتاستىرۋ. ءموبيلدى قوسىمشانىڭ ىشىندە قازاقتىڭ بارلىق ۇلى كلاسسيكتەرىنىڭ شىعارمالارى بار. الداعى ۋاقىتتا ەلىمىزگە قاتىستى عىلىمي ادەبيەتتەردى دە ەنگىزۋدى جوسپارلاپ وتىرمىز, – دەيدى قوعامدىق قوردىڭ مۇشەسى نارتاي ءاشىم.
سونىمەن قاتار, ءموبيلدى قوسىمشا ىشىندەگى كىتاپتار www.kitap.kz سايتىنا دا شىعارىلدى. يگى باستاماعا ءىلياس جانسۇگىروۆ, ساكەن سەيفۋللين, مۇحتار اۋەزوۆ, قاسىم امانجولوۆ سياقتى اۆتورلاردىڭ مۇراگەرلەرى العاش بولىپ قولداۋ كورسەتكەن.
موبيلدىك قوسىمشا قازىرگى كەزدە IOS جانە Android جۇيەلەرىندە قولجەتىمدى.
