استانادا «كونستيتۋتسيا: قۇقىق ۇستەمدىگىنىڭ, ازاماتتىق قوعامنىڭ جانە قازىرگى زامانعى مەملەكەتتىڭ قۇندىلىقتارىن ىسكە اسىرۋ» اتتى حالىقارالىق عىلىمي-پراكتيكالىق كونفەرەنتسيا ءوتتى. وعان قاتىسقان مەملەكەتتىك حاتشى گۇلشارا ابدىقالىقوۆا مەملەكەت باسشىسى نۇرسۇلتان نازارباەۆتىڭ قۇتتىقتاۋ حاتىن وقىپ بەردى.
وندا 1995 جىلى قابىلدانعان كونستيتۋتسيا قازاقستان مەملەكەتتىلىگى دامۋىنىڭ ىرگەتاسىن قالاعانى, ادام قۇقىقتارى مەن بوستاندىقتارىن بەكەمدەگەنى اتاپ وتىلگەن.
– قۇقىق ۇستەمدىگى, كونستيتۋتسيانىڭ بيىك مارتەبەسى, زاڭ بيلىگى – قازاقستاننىڭ بۇگىنگى تاڭداعى تابىستى دامۋىنىڭ جانە ونىڭ زاماناۋي الەمدە لايىقتى ورىنعا يە بولۋىنىڭ اسا ماڭىزدى ماسەلەسى. قازىرگى كونستيتۋتسيانىڭ الەۋەتى قازاقستاننىڭ ودان ءارى دامۋىنا جانە الەمنىڭ وزىق دامىعان وتىز ەلىنىڭ قاتارىنا كىرۋىنە ۇزاق جىلدار قىزمەت ەتەتىنىنە كامىل سەنەمىن, – دەلىنگەن قازاقستان پرەزيدەنتىنىڭ قۇتتىقتاۋىندا.
پارلامەنت دەپۋتاتتارى, ورتالىق مەملەكەتتىك ورگانداردىڭ, رەسەي, تۇركيا, بولگاريا, لاتۆيا, گرۋزيا جانە باسقا دا ەلدەردىڭ كونستيتۋتسيالىق باقىلاۋ ورگاندارىنىڭ, سوت جانە قۇقىق قورعاۋ مەكەمەلەرىنىڭ باسشىلارى, حالىقارالىق ۇيىمداردىڭ, قازاقستاننىڭ عىلىمي قاۋىمداستىعىنىڭ وكىلدەرى, سونداي-اق تاياۋ جانە الىس شەتەلدەردەگى قۇقىق سالاسىنىڭ ساراپشىلارى قاتىسقان القالى جيىندا قازاقستاننىڭ كونستيتۋتسيالىق قۇرىلىمىنداعى مەملەكەت باسشىسىنىڭ اسا ماڭىزدى ءرولى اتاپ ءوتىلىپ, «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋدى جۇزەگە اسىرۋ, سونداي-اق استانانىڭ قالىپتاسۋ جانە دامۋ ماسەلەلەرى تالقىلاندى.
ەلباسى ن.نازارباەۆ قازاقستان رەسپۋبليكاسىنىڭ كونستيتۋتسياسى كۇنىنە ارنالعان حالىقارالىق كونفەرەنتسياعا قاتىسۋشىلارمەن كەزدەستى.
