ەلىمىز 2020 جىلى دۋبايدا وتەتىن دۇنيەجۇزىلىك «ەكسپو-2020» كورمەسىنە قاتىسۋىن رەسمي تۇردە راستادى.
بۇل جاڭالىق دۋبايداعى قازاقستان ەلشىسى قايرات لاما ءشاريفتىڭ «ەكسپو-2020 دۋباي» جوعارعى كوميتەتىنىڭ توراعاسى شەيح احمەد بەن سايد ءال ماك- تۋممەن كەزدەسۋى كەزىندە ءمالىم بولدى. جيىندا قر ءبىلىم جانە عىلىم ۆيتسە-ءمينيسترى اسلانبەك امرين «ەكسپو 2020 دۋباي» كورمەسىندەگى قازاقستاندىق سەكتسيانىڭ باس كوميسسارى بولىپ تاعايىندالعانى انىقتالدى. ق.لاما شاريف امىرلىكتەردىڭ استانادا «ەكسپو-2017» كورمەسىن وتكىزۋگە قاتىستى قولداۋىن قازاقستاندىق تاراپ جوعارى باعالايتىنىن اتاپ ءوتىپ, وسى رەتتە امىرلىكتەر تاراپىنا ەڭ ۇلكەن پاۆيلونداردىڭ ءبىرى بولىنگەنىن ايتتى.
شەيح احمەد قازاقستاننىڭ دۋ- بايداعى «ەكسپو-2020» كورمەسى- نە رەسمي قاتىسۋىن قۇپتاپ, وسى شەشىم حالىقتار اراسىنداعى با- ۋىرلاستىق قاتىناستاردى ودان ءارى نىعايتۋعا جانە كەڭەيتۋگە سەپتىگىن تيگىزەتىنىن مالىمدەدى. امىرلىكتەردەگى كورمەنىڭ «اقىلداردى بىرىكتىرۋ ارقىلى بولاشاقتى قۇرامىز» («Connecting Minds, Creating the Future») تاقى- رىبى ونىڭ ءمانىن اشاتىن نەگىزگى ءۇش اسپەكتىمەن توپتاستىرىلعان: «مۇمكىندىك», «موبيلدىك» پەن «ورنىقتىلىق». شەيح احمەدتىڭ پىكىرىنشە, قازاقستاندىق تاراپتىڭ اتالعان باعىتتاردىڭ ءبىرىن تاڭداۋى قازاقستانداعى باسەكەگە قابىلەتتىلىك پەن ادامداردىڭ ءال-اۋقاتىن ارتتىرۋعا وڭ ىقپال ەتەتىن ادام كاپيتالىن دامىتۋ, قوعامنىڭ ءال-اۋقاتىن كوتەرۋ, يننوۆاتسيا مەن تەحنولوگيالىق الەۋەتىن وركەندەتۋ سالالارىن- داعى جەتىستىكتەرىن الەمگە تانىتۋعا مۇمكىندىك بەرەدى.
گۇلدانا تالعاتقىزى
