Nur Otan پارتياسىنىڭ «وزگەرىستەر جولى: بارشاعا لايىقتى ءومىر!» سايلاۋالدى باعدارلاماسى اياسىندا ەلوردادا الەۋمەتتىك وسال توپقا جاتاتىن 100 مىڭ ادام قوعامدىق كولىكتە تەگىن جۇرەدى.
بۇگىندە نۇر-سۇلتان قالاسىنىڭ قوعامدىق كولىكتەرىندە ەكىنشى دۇنيەجۇزىلىك سوعىسقا قاتىسۋشىلار مەن مۇگەدەكتەر, ولارعا تەڭەستىرىلگەن تۇلعالار, جاسى جانە ەڭبەك ءوتىلى بويىنشا زەينەتكەرلەر, سونداي-اق اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقى الۋشىلار, كوپبالالى انالار, كوپبالالى وتباسىلار, مۇگەدەكتەر, اتا-اناسىنىڭ بىرەۋىن (زاڭدى وكىلدەرىن) قوسا العاندا, ون سەگىز جاسقا دەيىنگى مۇگەدەك بالالار تەگىن جۇرەدى.
«قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭىنا سايكەس ءاربىر وبلىس جانە جەرگىلىكتى اتقارۋشى ورگان ءوز بەتىنشە بيۋدجەتتى قالىپتاستىرىپ, جەڭىلدىكتەردى بەلگىلەيتىنى ءمالىم.
2020 جىلدىڭ 28 اقپانىنان باستاپ قالا اكىمىنىڭ تاپسىرماسىنا سايكەس ەلوردالىق جانە قالا ماڭىنداعى ەلدى مەكەندەرگە قىزمەت كورسەتەتىن اۆتوبۋستاردا جەكە كارتاسىمەن راستالعان 7 جاستان 18 جاسقا دەيىنگى وقۋشىلارعا تەگىن جولداما بەرىلدى.
