«Nur Otan» پارتياسى قالالىق فيليالىنىڭ «ەركىن پىكىر» پىكىرتالاس الاڭىندا ەلوردانىڭ قوعامدىق كولىكتەرىنىڭ قىزمەتى تالقىلاندى
پىكىرتالاس الاڭىندا العاش بولىپ ءسوز العان كولىك جانە جول-كولىك ينفراقۇرىلىمىن دامىتۋ باسقارماسىنىڭ ءبولىم باسشىسى باۋىرجان تايبەرگەنوۆ جولاۋشىلار تاسىمالداۋ قالاىشىلىك مارشرۋتتار, قالاارالىق مارشرۋتتار جانە ەكسپرەسس قىزمەتى بولىپ جۇرگىزىلەتىنىن ايتتى. قالادا 8 اۆتوپارككە تيەسىلى (ونىڭ ءبىرى مەملەكەتتىك) 880 اۆتوبۋستىڭ كەم دەگەندە 90 پايىزى كۇندەلىكتى رەيسكە شىعادى. جاقىن جىلدارى جاڭادان 100 ەلەكتروبۋس ساتىپ الۋ قاجەتتىلىگى بار ەكەنىن جەتكىزدى.
بىراق قالا جۇرتشىلىعى تەك قانا اۆتوبۋس جەتىسپەۋشىلىگىنە عانا ەمەس, تاسىمالدى ۇيىمداستىرۋ ىسىندە كەزدەسەتىن باسقا دا كەيبىر كەلەڭسىزدىكتەرىنە نارازى. ونىڭ ىشىندە اۆتوبۋستاردىڭ كوپ كەشەۋىلدەيتىنى, جۇرگىزۋشىلەردىڭ اداممەن قارىم-قاتىناستاعى مادەنيەتى, جولدا ءجۇرۋ ەرەجەسىن ءجيى بۇزاتىندىعى, ت.ب كوپتەگەن ماسەلەلەر ءسوز بولدى. قوعامدىق كولىكتەردىڭ توڭىرەگىندە بولىپ جاتقان ءتۇرلى پروبلەمالار تۋرالى «استانا LRT» جشس توراعاسىنىڭ ورىنباسارى باۋىرجان سەيىتوۆ جاۋاپ بەردى. ول بىلتىر ءتاريفتى ءارتاراپتاندىرۋ بويىنشا جۇرگىزىلگەن رەفورمانىڭ وڭ ناتيجە بەرىپ, اۆتوپاركتەردىڭ تابىسى ارتقانىن, جەرگىلىكتى بيۋدجەتكە تۇسەتىن سالىق مولشەرىنىڭ كوبەيگەنىن اتاپ ءوتتى. سونداي-اق جولاۋشىلاردىڭ Astra كارتالارىن تەك ارنايى بانكوماتتاردا عانا ەمەس, تەلەفونداعى بانك قوسىمشاسى ارقىلى تولتىرۋعا دا بولاتىندىعى – وسى تولەم جۇيەسىنىڭ قولايلى ەكەندىگىن دالەلدەدى.
قىس – قىر استىندا دەمەكشى, جيىن بارىسىندا جىلى ايالدامالار تۋرالى دا ءسوز بولدى. استانا بويىنشا 1100 ايالداما بولسا, ونىڭ 730-ىندا پاۆيلون بار. قالا ىشىندە بۇگىنگە دەيىن 100 جىلى ايالداما ورناتىلعان. جىل سوڭىنا دەيىن تاعى وسىنداي 30 ايالداما ورناتۋ جوسپارلانعان.
پىكىرتالاس قورىتىندىسى بويىنشا وزەكتى ماسەلەلەر پارتيالىق باقىلاۋ كوميسسياسىنا جانە ونىڭ ەلوردالىق فيليالىنىڭ سىبايلاس جەمقورلىققا قارسى ءىس-قيمىل جونىندەگى قوعامدىق كەڭەسىنە, سونداي-اق قالالىق ءماسليحاتتىڭ «Nur Otan» پارتياسىنىڭ فراكتسياسىنا جىبەرىلەتىن بولادى.
