نۇر-سۇلتان قالاسى ءماسليحاتىنىڭ قۇرىلىس, ەكولوگيا, كولىك, ساۋدا جانە تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى تۇراقتى كوميسسيانىڭ وتىرىسىندا قورشاعان ورتانى قورعاۋ جانە تابيعاتتى پايدالانۋ سالاسىنداعى 2022-2024 جىلدارعا ارنالعان بيۋدجەت جوباسىن تالقىلاندى.
قالالىق قورشاعان ورتانى قورعاۋ جانە تابيعاتتى پايدالانۋ باسقارماسىنىڭ باسشىسى ءاليا قوجاباەۆا ءوز بايانداماسىندا اتالمىش باسقارمانىڭ ءۇش جىلدىق بيۋدجەتى جوباسىندا 10 ملرد تەڭگەدەن استام قارجى قاراستىرىلعانىن اتاپ ءوتتى. سونىڭ ىشىندە «قورشاعان ورتانى قورعاۋ جونىندەگى ءىس-شارالار» باعدارلاماسى بويىنشا مەليوراتيۆتىك جۇمىستاردى جۇرگىزۋگە, سانيتارلىق تازالاۋعا, قۇرامىندا سىنابى بار شامداردى حالىقتان جيناۋعا, زالالسىزداندىرۋ جانە كادەگە جاراتۋ ءىس-شارالارىنا قاراجات كوزدەلگەن.
سونداي-اق «جاسىل بەلدەۋ» قۇرۋعا, جاياۋ جۇرگىنشىلەر ايماقتارىن قايتا جاڭارتۋ جانە قوعامدىق كەڭىستىكتەردى ۇيلەسىمدى, قولايلى جايلاستىرۋعا, ساياباقتار قۇرىلىسىنا, 4 گۇلزار قۇرىلىسىن باستاۋعا, پروفيلاكتيكالىق دەزينفەكتسيا مەن دەراتيزاتسيا جۇرگىزۋگە قارجى ءبولىندى.
ءماسليحات دەپۋتاتى باۋىرجان جانقوناقوۆ قۇرامىندا سىنابى بار شامداردى كادەگە جاراتۋ جانە ولارعا ارنالعان كونتەينەرلەر ماسەلەسىن كوتەردى. ونىڭ ارىپتەسى نۇرداۋلەت ورازحانوۆ «كوكتال» تۇرعىن الابىنداعى ساياباقتىڭ ناشار جاعدايدا ەكەنىن, وتىرعىزىلعان كوپتەگەن كوشەتتەر تامىر جايماعانىن ايتتى. ءدال وسىنداي ماسەلە سارىارقا اۋدانىنداعى قورعالجىن تاس جولى اۋماعىندا ورىن العان. ونداعى كوپتەگەن جاسىل جەلەك سولىپ قالعان.
ءماسليحات حاتشىسى ەرلان كاناليموۆ اعىمداعى جىلدىڭ ءساۋىر ايىندا دەپۋتاتتار جاسىل جەلەكتەردى تسيفرلاندىرۋ, سونداي-اق جالپى كورىنىستى بۇزاتىن قۋراپ قالعان اعاشتاردىڭ ورنىنىڭ بوساپ, سيرەپ قالۋى ماسەلەسىن كوتەرىپ, سەنبىلىكتەر كەزىندە كەۋىپ قالعان اعاشتاردىڭ ورنىنا نىسانالى تۇردە اعاش وتىرعىزۋدى ۇيىمداستىرۋدى ۇسىنعانىن اتاپ ءوتتى.
