قۇرمەتتى استانالىقتار جانە قالا قوناقتارى!
سىزدەردى كۇللى مۇسىلماننىڭ ۇلىق مەرەكەسى – قۇربان ايتپەن قۇتتىقتايمىن!
قۇربان ايت – ادامداردى ىزگىلىككە, باۋىرمالدىققا, يماندىلىق پەن قايىرىمدىلىققا ۇندەيتىن قاستەرلى مەيرام. ءتۇرلى ۇلت پەن ۇلىستىڭ باسىن ۇيىستىرىپ, بەرەكە مەن بىرلىكتىڭ ۇيىتقىسىنا اينالعان قاسيەتتى قازاق ەلى وسى مەرەكەنى سان عاسىرلار بويى تويلاپ كەلەدى.
بيىل – قازاقستان تاۋەلسىزدىگىنە 25 جىل. وسى جىلدار ىشىندە يسلام ءدىنىنىڭ ءوسىپ-وركەندەۋىنە بار جاعداي جاسالدى. وڭىرلەردە مەشىت پەن مەدرەسەلەر سالىنىپ, حالىقتىڭ رۋحاني سۇرانىسىن قاناعاتتاندىراتىن ءبىلىمدى يمامدار مەن ۇستازدار سانى ارتىپ كەلەدى.
ەلدىگىمىز قاشان دا ەڭسەلى, تاۋەلسىزدىگىمىز تۇعىرلى بولسىن. مەرەكەدەن مەرەكەگە قۋانىشپەن, تابىسپەن جەتە بەرەيىك. ايتتارىڭىز قۇتتى بولسىن!
ىزگى نيەتپەن,
اسەت يسەكەشەۆ,
استانا قالاسىنىڭ اكىمى