جاڭالىقتار
قۇرمەتتى قازىنالى قاريالار! ارداقتى اعا بۋىن وكىلدەرى!
سىزدەردى 1 قازان – حالىقارالىق قارتتار كۇنى مەرەكەسىمەن شىن جۇرەكتەن قۇتتىقتايمىن!
حالقىمىز «قارتى بار ءۇيدىڭ – عاسىرلىق قازىناسى بار» دەيدى. جاستارعا ۇلكەندى سىيلاپ, ءومىردىڭ ونەگەسىن ۇيرەنۋدى ناسيحات ەتكەن. قارتتارىمىز تامىرىن تەرەڭگە جايعان بايتەرەكتەي ءبىر-ءبىر اۋلەتتىڭ تىرەگى, ەل-جۇرتتىڭ ارقا سۇيەر اقىلشىسى. اعا بۋىننىڭ ءومىر جولىنان كەيىنگى بۋىننىڭ الار تاعىلىمى زور.
قازاقتا «ەل اعاسىمەن جاراسادى, كيىم جاعاسىمەن جاراسادى» دەگەن ءسوز بار. اينالاسىنا قۋانىش سىيلايتىن قازىنالى قارتتارىمىزدىڭ قاتارى ورتايماسىن. كورەر قىزىقتارىڭىز كوپ بولعاي.
سىزدەرگە زور دەنساۋلىق, ۇزاق ءومىر, اۋلەتتەرىڭىزگە ىرىس پەن بەرەكە تىلەيمىن!
ىزگى نيەتپەن,
اسەت يسەكەشەۆ,
استانا قالاسىنىڭ اكىمى