كونستيتۋتسيا كۇنى قارساڭىندا قۇرىلىس سالاسىنىڭ ەڭبەك سىڭىرگەن قىزمەتكەرلەرىنە مەرەيتويلىق مەدالدار مەن العىس حاتتار تابىس ەتىلدى. بۇل تۋرالى التاي كولگىنوۆ ءوزىنىڭ instagram پاراقشاسىندا جازدى.
«بۇگىن قازاقستان قۇرىلىسشىلار وداعىنىڭ وكىلدەرىمەن كەزدەسۋ ءوتتى. قۇرىلىس جۇمىستارىنىڭ ساپاسىن جاقسارتىپ قانا قويماي, مەرزىمىن قىسقارتۋعا مۇمكىندىك بەرەتىن بىرقاتار ماڭىزدى ماسەلەلەر تالقىلاندى. اتاپ ايتقاندا, نىسانداردى جوبالاۋ مەن سالۋعا رۇقسات بەرۋ قۇجاتتاماسىن دايىنداۋ مەرزىمدەرىن قىسقارتۋ, پروتسەستى اۆتوماتتاندىرۋ جانە قۇجاتتاردى ازىرلەۋدىڭ نەعۇرلىم اشىق پروتسەسىن قامتاماسىز ەتۋ ماسەلەلەرى تالقىلاندى.
قر قۇرىلىسشىلار وداعى تۇرعىن ءۇي قۇرىلىسى كەزىندە تۇراق ورىندارىنىڭ سانىن ازايتۋ بولىگىندە نورماتيۆتەردىڭ وزگەرۋىن قاراستىرۋدى ۇسىندى, ويتكەنى تۇراق ورىندارىنىڭ كوپ بولۋى تۇرعىن ءۇيدىڭ قىمباتتاۋىنا الىپ كەلەدى. ماسەلەنى جۇيەلى دەڭگەيدە قاراستىرامىز.
قۇرىلىسشىلاردىڭ ەرەن ەڭبەگىنىڭ ارقاسىندا قالا ءوسىپ, دامىپ كەلەدى. بيىل قولجەتىمدى تۇرعىن ءۇي كولەمى ءۇش ەسە, سالىنعان مەكتەپتەر سانى ەكى ەسە ارتتى. سونىمەن بىرگە جولدار, اۋلالار مەن تىنىمباقتار, ءىرى سپورت عيماراتتارى, بالاباقشالار, مەديتسينالىق ورتالىقتار سالىنىپ جاتىر. قالا مەن حالىق ءۇشىن ماڭىزدى باسقا دا بىرقاتار نىسانداردىڭ قۇرىلىسى قولعا الىندى. ءوزارا جاۋاپكەرشىلىك تە بولۋى كەرەك. كومپانيالار قۇرىلىسقا كىرىسكەن كەزدە ساپالى قۇرىلىس جۇرگىزىپ, مىندەتتەمەلەرىن تولىق كولەمدە ورىنداۋى قاجەت. ءوز تاراپىمىزدان كومەك پەن قولداۋ كورسەتەمىز.
وسىنداي كەزدەسۋلەر مەن ونلاين-كەڭەستەردى تۇراقتى نەگىزدە: مەديتسينالىق مەكەمەلەردىڭ باس دارىگەرلەرىمەن, وقۋ ورىندارىنىڭ ديرەكتورلارىمەن, كاسىپكەرلەرمەن, ۇكىمەتتىك ەمەس جانە جاستار ۇيىمدارىنىڭ وكىلدەرىمەن جانە ت. ب. وتكىزەمىز» دەپ جازدى ا.كولگىنوۆ.
