قۇجاتتاعى تۇزەتۋ تالاپقا ساي
قالالىق ءماسليحاتتىڭ بيۋدجەت, ەكونوميكا, ونەركاسىپ جانە كاسىپكەرلىك جونىندەگى تۇراقتى كوميسسياسىنىڭ وتىرىسى ءوتتى.
جيىندا «2016-2020 جىلدارعا ارنالعان استانا قالاسىن دامىتۋ باعدارلاماسى تۋرالى» 2015 جىلدىڭ 11 جەلتوقسانىندا قابىلدانعان شەشىمگە وزگەرىس ەنگىزۋ قاراستىرىلدى. بۇل تۇرعىدا ستراتەگيالىق جانە بيۋدجەتتى جوسپارلاۋ باسقارماسىنىڭ باسشىسى راسۋل ورازعۇلوۆ ءوزىنىڭ بايانداماسىندا قازاقستان رەسپۋبليكاسىن دامىتۋدىڭ 2025 جىلعا دەيىنگى ستراتەگيالىق جوسپارىن ىسكە اسىرۋ ماقساتىندا اعىمداعى جىلى ۇكىمەت قابىلدانعان نەگىزگى ۇلتتىق ينديكاتورلار ستراتەگيالىق كارتاسىنا ەنگەن 38 ينديكاتوردىڭ 19-ى بويىنشا استانا قالاسى اكىمدىگىنىڭ قۇزىرىندا ەكەنىن اتاپ ءوتتى.
«ءاربىر ينديكاتور ءتيىستى مينيسترلىكتەرمەن جانە كوميتەتتەرمەن كەلىسىلدى. سونداي-اق قالانىڭ 2019-2021 جىلدارعا ارنالعان بيۋدجەت جوباسى باعدارلامانىڭ نەگىزگى باسىمدىقتارىمەن ءوزارا بايلانىستىرىلىپ, العا قويىلعان ماقساتقا قول جەتكىزۋگە باعدارلانعان. بۇدان باسقا, بيىلعى مەملەكەتتىك ورگانداردىڭ ترانسفورماتسياسىنا بايلانىستى ينديكاتورلارعا قول جەتكىزۋ ءۇشىن جاۋاپتى باسقارمالاردىڭ اتاۋلارى تۇزەتىلدى. ونى تۇزەتكەن كەزدە زاڭنامامەن بەلگىلەنگەن بارلىق تالاپتار ساقتالدى» دەدى بايانداماشى.
ونىڭ ايتۋىنشا, «جەرگىلىكتى ماڭىزى بار اۆتوموبيل جولدارىن سالۋ جانە قايتا جاڭارتۋ» ينديكاتورى نەگىزىندە كولىك جانە جول-كولىك ينفراقۇرىلىمىن دامىتۋ باسقارماسى تۇران داڭعىلىنان «ەسىل–نۇرا» ارناسىنا دەيىنگى ۋچاسكەدەگى №31 كوشەنى سالۋ جوباسى بويىنشا ينديكاتور بازالىق تىزبەگە جانە باسقا باعدارلامالىق قۇجاتتارعا كىرمەگەندىكتەن, مينيسترلىكتىڭ كەلىسۋىنسىز تۇزەتىلەدى ەكەن.