جىل باسىنان بەرى ەلوردالىق تابيعات قورعاۋ پوليتسياسىنىڭ قىزمەتكەرلەرى كوشەدەگى جانە جولداعى قاردى رۇقسات ەتىلمەگەن جەرلەرگە زاڭسىز توككەن 22 اۆتوكولىك جۇرگىزۋشىسىن اكىمشىلىك جاۋاپكەرشىلىككە تارتتى.
استانا ق. ءىىد جەرگىلىكتى پوليتسيا قىزمەتىنىڭ حابارلاۋىنشا, جۇرگىزۋشىلەرگە 509 040 تەڭگە كولەمىندە ايىپپۇل سالىندى.
«قىسقى كەزەڭدە قالا اۋماعىن جيناۋ ەرەكشەلىكتەرى» اباتتاندىرۋ ەرەجەلەرىنە سايكەس (استانا ق. ءماسليحاتىنىڭ شەشىمىمەن بەكىتىلگەن, 5 ءبولىم, 60 ت.), كوشەدەگى جانە جولداعى قاردى ارنايى دايىندالعان الاڭدارعا شىعارۋ قاجەت. قاردى (قوقىسسىز) كەلەسى مەكەن-جايلار بويىنشا شىعارۋعا رۇقسات ەتىلگەن: «الماتى» اۋدانى – جەلەزنودوروجنىي ت.ا., اسكەري بولىمشەنىڭ سىرتىندا. «سارىارقا» اۋدانى – ن. تىلەنديەۆ داڭع., «تايم» جقس اۋدانى. «ەسىل» اۋدانى – روجدەستۆەنكا تاس جولى, «رۋبەج» بەكەتىنىڭ سىرتىندا, وڭ جاقتا, سونداي-اق, سۋ تازارتقىش قۇرىلىستارىنىڭ اۋدانىندا 27-ءشى كوشەدە بالقىتۋ ستانتسياسى بار.
astana.gov.kz
