نۇر-سۇلتان قالاسىندا تىلدەردى دامىتۋ جانە ارحيۆ ءىسى باسقارماسىنىڭ باستاماسىمەن «ءتىل تازالىعى – بارشاعا ورتاق ءىس» اتتى اكتسيا ءوتىپ جاتىر.
2019 جىلدىڭ ءساۋىر-مامىر ايلارىندا اكتسيا اياسىندا قالانىڭ 68 كوشە مەن 14 داڭعىلىندا ورنالاسقان شاعىن جانە ورتا كاسىپكەرلىك سۋبەكتىلەرى قامتىلدى. سونداي-اق كاسىپكەرلەرگە زاڭناما تالاپتارى ءتۇسىندىرىلىپ, كەمشىلىكتەر تۇزەلدى. 400-دەن استام رۇقساتسىز ورنالاستىرىلعان جارناما نىسان الىنىپ تاستالدى.
اكتسيانىڭ ارالىق قورىتىندىسى ارنايى ۇيىمداستىرىلاتىن «دوڭگەلەك ۇستەل» وتىرىسىندا جاريالانادى. وعان نۇر-سۇلتان قالاسى اكىمدىگىنىڭ باسشىلىعى, مادەنيەت جانە سپورت مينيسترلىگىنىڭ ءتىل ساياساتى كوميتەتى, نۇر-سۇلتان قالاسىنىڭ پروكۋراتۋراسى, قالالىق كاسىپكەرلەر پالاتاسى, ەلوردا اۋداندارىنىڭ اكىمدىكتەرى, ساۋلەت, قالا قۇرىلىسى جانە جەر قاتىناستارى, ينۆەستيتسيالار جانە كاسىپكەرلىكتى دامىتۋ باسقارمالارى جانە ت.ب. مەملەكەتتىك مەكەمەلەرىنىڭ وكىلدەرى, سونداي-اق قوعام قايراتكەرلەرى مەن ارنايى شاقىرىلعان دارىسكەرلەر قاتىسادى دەپ جوسپارلانىپ وتىر.
