ساليقالى وي, سالماقتى پىكىر الاڭى

كەشە تاۋەلسىزدىك سارايىندا قازاقستان رەسپۋبليكاسى پارلامەنتى سەناتىنىڭ سپيكەرى قايرات ءماميدىڭ توراعالىق ەتۋىمەن الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ وتىرىسى ءوتتى. قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ كونفەرەنتسياعا قاتىسۋشىلارعا جولداعان قۇتتىقتاۋىن قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى باعلان مايلىباەۆ وقىپ بەردى.
-الەمدىك جانە ءداستۇرلى دىندەر كوشباسشىلارىنىڭ سەزى ءتيىمدى سۇحبات الاڭى رەتىندە قالىپتاستى. العاشقى سەزد وتكەن 2003 جىلعى قىركۇيەكتەن بەرگى ون جىل ىشىندە ۇلكەن تاجىريبە جينالدى. ءبىزدىڭ بۇل قادامىمىزدى الەمدىك قاۋىمداستىق تۇگەل مويىنداپ وتىر, – دەدى قايرات ءمامي وتىرىستى اشاردا سويلەگەن سوزىندە.
سونداي-اق, ول سەزدىڭ كەرەمەت پىكىرسايىس الاڭىنا اينالۋىمەن بىرگە نيەتتەس, ويى مەن ءىس-قيمىلدارى ءبىر ادامداردى بىرىكتىرىپ, ودان ءارى جۇيەلى جالعاسۋىنا جول اشقاندىعىن دا تىلگە تيەك ەتتى.
قازاقستان مۇسىلماندارى ءدىني باسقارماسىنىڭ باس ءمۇفتيى ەرلان قاجى مالعاجىۇلى: «ءبىز وركەنيەتتى عالامدا تىنىشتىقتى ساقتاي وتىرىپ, ءدىندى, مادەنيەتتى كەڭ اۋقىمعا الىپ شىقتىق. بۇل – بۇگىنگى زامانعى ادامزاتتىڭ قول جەتكىزىپ وتىرعان ۇلكەن جەتىستىگى. دىندەر اراسىنداعى اشىق سۇحباتتى دامىتۋ – شىن مانىندە, قيساپسىز ەڭبەك پەن اسقان جاۋاپكەرشىلىك. ءبىز وسى قۇندىلىقتاردى دەر كەزىندە دارىپتەپ, قادىر قاسيەتىن ۇعىنا بىلدىك» دەگەن پىكىر ايتتى.
سونىمەن قاتار سەزد حاتشىلىعى وتىرىسىندا رەسەيدىڭ ەۋروپا بولىگى مۇسىلمان ءدىنى باسقارماسى پرەزيديۋمىنىڭ جانە رەسەي مۋفتيلەرى كەڭەسىنىڭ توراعاسى راۆيل گاينۋتدينوۆ, كاۆكاز مۇسىلماندار باسقارماسىنىڭ توراعاسى شەيح-ۋل يسلام گادجي اللاشۇكىر پاشا-زادە, ريم كاتوليك ارحيەپارحيى ارحيەپيسكوپى اۋليە ماريا توماش پەتا, جانە دە باسقا ادامدار وي-پىكىر, ۇسىنىستارىن ءبىلدىردى.
الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ كەلەسى وتىرىسى 2014 جىلدىڭ 17-18 قىركۇيەگىندە وتەتىن بولىپ بەلگىلەندى.