«استانا ەكسپو-2017» ۇلتتىق كومپانياسى جانە «Samsung Electronics Central Eurasia» جشس ارىپتەستىك بايلانىس جونىندە مەموراندۋمعا قول قويدى.
«سامسۋنگ» كومپانياسى ىنتىماقتاستىق شەڭبەرىندە «ەكسپو-2017» كورمە كەشەنىن قۇرال-جابدىقتارمەن قامتاماسىز ەتەدى. كومپانيا ەكسپو كورپوراتيۆتىك پاۆيلونىندا ورنالاسادى. بۇل جەردە كورمە قاتىسۋشىلارىنىڭ ءتيىمدى جۇمىس ىستەۋىنە بارلىق جاعداي جاسالىپ, ارنايى كوۆوركينگ-ورتالىعى اشىلادى. ورتالىقتا «سامسۋنگ» كومپانياسى 15 كونفەرەنتسيا, 15 اسپازدىق شەبەرلىك ساباعى جانە 100-دەن استام كەزدەسۋ ۇيىمداستىرۋدى جوسپارلاپ وتىر.
سونداي-اق, كورمە اياسىندا ەكى كومپانيا بىرلەسىپ, بىرقاتار ماركەتينگتىك شارالار وتكىزىپ, جەتەكشى كومپانيالاردىڭ جوعارى تەحنولوگيالى ونىمدەرىن كورمە لوگوتيپىمەن برەندتەۋدى جالعاستىرادى.وسىعان دەيىن Shell, Siemens, Cisco, General Electric, Saint Gobain, Citic Group, كاسپي قۇبىر جۇرگىزۋ كونسورتسيۋمى, روساتوم جانە باسقا دا كومپانيالار كورمە ارىپتەستەرى مەن دەمەۋشىلەرى اتاندى.
گۇلدانا تالعاتقىزى
