تانىمال مەسسەندجەرلەر ارقىلى الدەبىر ازاماتتار «حالىق ساناعى» اياسىندا بەينەبايلانىس ارقىلى ساۋالناما جۇرگىزىپ جاتقاندىعى تۋرالى اۋديوجازبا تاراۋدا.
وسىعان وراي, ۇلتتىق ستاتيستيكا بيۋروسىنىڭ ءباسپاسوز قىزمەتى حابارلاما تاراتىپ, قاشىقتان, ياعني تەلەفون, بەينەبايلانىس, مەسسەندجەر لەر ارقىلى ساۋالناما جۇرگىزۋ قاراستىرىلماعانىن جەتكىزدى.
قازاننىڭ 1-30 ارالىعىندا ينتەرۆيۋەرلەر ازاماتتاردى تولىق قامتۋ ماقساتىندا ۇيلەردى ارالايدى. ۇيلەردى ارالاۋ كەزەڭىندە ينتەرۆيۋەرگە ارنايى كۋالىك پەن ۇلتتىق ساناقتىڭ لوگوتيپى بەينەلەنگەن كوك ءتۇستى مويىنوراعىش پەن سومكە بەرىلەدى. كۋالىكتە اۋماقتىق ستاتيستيكا دەپارتامەنتى باسشىسىنىڭ قولىمەن جانە مورىمەن راستالعان ينتەرۆيۋەردىڭ فوتوسۋرەتى, تولىق اتى-ءجونى بولادى. كۋالىكتىڭ جوعارعى بولىگىندە تىركەۋ ءنومىرى كورسەتىلەدى. بۇل ءنومىردى sanaq.gov.kz سايتىندا «ينتەرۆيۋەردى ىزدەۋ» جولاعىنا ەنگىزۋگە بولادى, سودان كەيىن سايتتا ينتەرۆيۋەردىڭ دەرەكتەرى كورسەتىلەدى. سونداي-اق ينتەرۆيۋەردىڭ جەكە باسىن 1446 نومىرىنە قوڭىراۋ شالۋ ارقىلى دا تەكسەرۋگە بولادى.
