استانا قالاسىنىڭ اكىمى باقىت سۇلتانوۆتىڭ وكىمىمەن سارىارقا اۋدانىنىڭ اكىمى بولىپ ەرعالي ەگەمبەردى تاعايىندالدى.
جاڭا اكىمدى باقىت تۇرلىحانۇلى تانىستىردى. «ەرعالي قۋاندىقۇلى بارشاڭىزعا جاقسى تانىس. ەلوردانىڭ دامۋىنا ۇلەس قوسىپ جۇرگەن ازاماتتاردىڭ ءبىرى. بىلىكتىلىگى مەن تاجىريبەسى جەتكىلىكتى. ساتتىلىك تىلەيمىز» دەدى ب.سۇلتانوۆ.
«ەرعالي قۋاندىقۇلى 1977 جىلى 23 قاراشادا تۋعان, ءبىلىمى جوعارى.
مەملەكەتتىك قىزمەتتىڭ بىرنەشە ساتىلارىندا ابىرويمەن ەڭبەك ەتكەن.
ماماندىعى بويىنشا ەكونوميست, زاڭگەر. Cاياسي عىلىمداردىڭ كانديداتى.
ەڭبەك جولىن استانا قالاسى قارجى دەپارتامەنتىنىڭ باس مامانى-زاڭگەر قىزمەتىنەن باستاعان. قالامىزدا ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى, پرەزيدەنت اكىمشىلىگىندە مەملەكەتتىك ينسپەكتور, ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى, دەنساۋلىق ساقتاۋ جانە الەۋمەتتىك دامۋ ءمينيسترىنىڭ ورىنباسارى سياقتى لاۋازىمدى قىزمەتتەردى اتقاردى. «بولاشاق» باعدارلاماسى بويىنشا اقش-تا ءبىلىم العان.
