سارىارقا اۋدانىنداعى بەلسەندى ۇزاق ءومىر ءسۇرۋ ورتالىعىندا ارداگەر اتا-اجەلەرىمىز «امال» مەرەكەسىن اتاپ ءوتتى, دەپ حابارلايدى astana-akshamy.kz.
ورتالىقتىڭ قىزمەت الۋشى زەينەتكەرلەرى ناۋرىز ايىنىڭ باستالۋىن قول الىسىپ, جىلى قۇشاقتاسىپ, كورىسۋدەن باستادى. مەرەكە كۇنى اقساقالدار ورتالىققا كەلۋشىلەرگە باتا بەرىپ, جينالعاندارعا اقجارما تىلەگىن ارنادى.
مەرەكەنى ۇيىمداستىرۋشىلار ءىس-شارانى امال مەرەكەسىنىڭ شىعۋ تاريحىمەن تانىستىرۋدان باستاپ, كورەرمەندەرگە بەينە روليك كورسەتتى.
مادەني ءىس-شارادا «شاڭىراق» ەتنو-مادەني ءانسابلىنىڭ ونەرلى اجەلەرى «بۇلدىرگەن», «بيپىل» اندەرىن ورىنداسا, «گاۋحارتاس» بي توبىنىڭ اپالارى «قاماجاي» ءبيىن بيلەدى. امال مەرەكەسى ۆيكتورينالىق جارىستارمەن جالعاستى. ونەرلى اتا-اجەلەر ءازىل ارالاس سۇراقتارعا جاۋاپ بەرىپ, ماقال-ماتەل, جۇمباق ايتىپ, ءداستۇرلى ءان ايتۋدان سىنعا ءتۇستى. كورىسۋ كۇنى جينالعاندارعا مەرەكەلىك كوڭىل كۇي سىيلادى. سونىمەن قاتار, زەينەتكەرلەرگە ۇلتتىق تاعام تۇرلەرى دە تارتۋ ەتىلدى. كەش سوڭىندا سارىارقا اۋدانى بويىنشا الەۋمەتتىك قىزمەت كورسەتۋ ورتالىعىنىڭ باسشىسى كەنجەبولات باپيشەۆ جينالعاندارعا العىسىن ءبىلدىرىپ, مەرەكەمەن قۇتتىقتادى.
