ەلوردادا بۇگىندە ءۇش سپورت نىسانىندا جوندەۋ جۇمىستارى مەن ەكى جاڭا نىساننىڭ قۇرىلىسى جۇرگىزىلۋدە. بۇل تۋرالى نۇر-سۇلتان قالاسىنىڭ دەنە شىنىقتىرۋ جانە سپورت باسقارماسى باسشىسىنىڭ ورىنباسارى ناريمان ەلامانوۆ ايتتى.
– جۇمىسپەن قامتۋدىڭ جول كارتاسى اياسىندا «تولقىن» سپورت كەشەنىنىڭ شاتىرىنا كۇردەلى جوندەۋ جۇرگىزىلدى. بۇگىنگى تاڭدا عيماراتتا جوندەۋ جۇمىستارى جۇرگىزىلۋدە: اقتاۋ, قابىرعالاردى تەگىستەۋ, عيمارات ءىشىن, كيىم اۋىستىراتىن ورىنداردى قايتا سىرلاۋ, – دەدى ەلامانوۆ.
سونىمەن قاتار, «قازاقستان» سپورت سارايىن زياتكەرلىك تەحنولوگيالاردى قولدانا وتىرىپ جاڭعىرتۋ جانە پايدالانۋعا بەرۋ جوباسى پىسىقتالىپ جاتقانىن ايتقان ناريمان ەلامانوۆ «استانا ارەنا» ستاديونىندا دا جوندەۋ جۇمىستارى ءجۇرىپ جاتقانىن جەتكىزدى. «قازانات» يپپودرومىنىڭ اۋماعىندا يپپوتەراپيا ادىسىمەن مۇمكىندىگى شەكتەۋلى بالالاردى وڭالتۋ ءۇشىن ات سپورتى كەشەنىن سالۋ جانە پايدالانۋعا بەرۋ بويىنشا جۇمىستار جۇرگىزىلۋدە. نىسان 250 ادامعا ارنالعان, 600 ورىندىق تريبۋنالارى بار.
بۇگىنگى تاڭدا نۇر-سۇلتاندا مەملەكەت باسشىسىنىڭ «100 دەنە شىنىقتىرۋ-ساۋىقتىرۋ كەشەنىن سالۋ» تاپسىرماسى بويىنشا, حالىقتى بۇقارالىق سپورتپەن قامتۋ ءۇشىن يلينكا, كوكتال 2, ءوندىرىس, جەلەزنودوروجنىي تۇرعىن الاپتارىندا ءتورت دەنە شىنىقتىرۋ-ساۋىقتىرۋ كەشەنىنىڭ قۇرىلىسى جوسپارلانعان. قازىرگى ۋاقىتتا ءۇش دەنە شىنىقتىرۋ-ساۋىقتىرۋ كەشەنىنىڭ قۇرىلىسى ءجۇرىپ جاتىر.
سونداي-اق ەلوردادا ۆەلوجولداردىڭ ۇزىندىعى دا ارتىپ كەلەدى. جوسپارلانعان 123 كم جولدىڭ 70 كم-ءى سالىنعان. 2020 جىلى – 46,4 كم, 2021 جىلى – 36 كم, 2022 جىلى – 40,7 كم ۆەلوجول سالۋ جوسپارلانعان بولاتىن.
