ەلوردا تۇرعىندارى مەن قوناقتارى بوس ۋاقىتتارىن ءتيىمدى پايدالانىپ, دەمالىس كۇندەرىن كوڭىلدى وتكىزۋ ءۇشىن قالالىق ساياباقتاردا بالالار مەن ەرەسەكتەرگە ارناپ ويىن-ساۋىق باعدارلامالارى ازىرلەنگەن.
اتاپ ايتقاندا, قالاداعى «ستۋدەنتتىك», «استانالىق», «اراي» جانە «جەرۇيىق» پاركتەرىندە ءار سەنبى-جەكسەنبى كۇندەرى كونتسەرتتەر قويىلىپ, ءتۇرلى ويىن-ساۋىقتار ۇيىمداستىرىلادى. شىعارماشىلىق ۇجىمدار ءان ايتىپ, بي بيلەپ ونەر كورسەتەدى. كىشكەنتاي ەلوردالىقتار ءۇشىن شاعىن ويىن باعدارلامالارى مەن سايىستار جانە ۆيكتورينالار وتكىزۋ جوسپارلانعان.
ال, الداعى 18-19 شىلدەدە «اتا تۇرىك» ساياباعى مەن «استانالىق» پاركتە اسىق اتۋ جارىسى, «جەرۇيىق», «اراي», «عاشىقتار», «ستۋدەنتتىك» پاركتەرىندە «كوڭىلدى ستارت», گىر سپورتى مەن قول كۇرەسىنەن جارىستار وتەدى. «وتان قورعاۋشىلار الاڭىندا روليك تەۋىپ, «پرەزيدەنتتىك» ساياباقتا ساعات 18:00-20:00 ارالىعىندا ۆولەيبول ويناۋعا بولادى.
