ورتالىق سايلاۋ كوميسسياسى 12 تامىزعا بەلگىلەنگەن پارلامەنت سەناتى دەپۋتاتتارىنىڭ سايلاۋىنا دايىندىق ماسەلەسى بويىنشا وتىرىس وتكىزدى. وتىرىسقا بەينەبايلانىس رەجيمىندە وبلىستاردىڭ, نۇر-سۇلتان, الماتى جانە شىمكەنت قالالارىنىڭ اۋماقتىق سايلاۋ كوميسسيالارى جانە ونلاين رەجيمدە بۇقارالىق اقپارات قۇرالدارىنىڭ وكىلدەرى قاتىستى.
ورتالىق سايلاۋ كوميسسياسىنىڭ توراعاسى بەرىك يماشەۆ 10 تامىز كۇنى ساعات 00:00-دە ۇمىتكەرلەردىڭ سايلاۋالدى ۇگىت-ناسيحاتتارى اياقتالاتىنىن حابارلادى. «وسىعان بايلانىستى وبلىستاردىڭ, نۇر-سۇلتان, الماتى جانە شىمكەنت قالالارىنىڭ اۋماقتىق سايلاۋ كوميسسيالارى توراعالارىنىڭ داۋىس بەرۋ كۇنىنە دايىندىق تۋرالى اقپاراتتارى تىڭدالدى. سايلاۋ كوميسسيالارىنىڭ ۇسىنعان مالىمەتتەرىنە سايكەس, سايلاۋ بيۋللەتەندەرىنە 46 ۇمىتكەر ەنگىزىلدى (تىركەۋدەن كەيىن 12 ۇمىتكەردەن كانديداتۋرالارىن الىپ تاستاۋ تۋرالى ءوتىنىش بەرىلدى). ياعني, شىعىس قازاقستان وبلىسىنان – 4, ال 10 وڭىردەن 3 ۇمىتكەردەن: اقمولا, اتىراۋ, باتىس قازاقستان, قاراعاندى, قوستاناي, قىزىلوردا جانە پاۆلودار وبلىستارى, نۇر-سۇلتان, الماتى, شىمكەنت قالالارى. قالعان وڭىرلەردەن – 2 ۇمىتكەردەن» دەلىنگەن وسك اقپاراتىندا.
رەسپۋبليكا بويىنشا تاڭداۋشىلار تىزىمىنە 3069 ءماسليحات دەپۋتاتى ەنگىزىلگەن. ولاردىڭ باسىم بولىگى الماتى وبلىسىنان – 317 جانە شىعىس قازاقستان وبلىسىنان – 301, ال ەداۋىر از بولىگى نۇر-سۇلتان قالاسىنان – 21, شىمكەنت قالاسىنان – 26 جانە الماتى قالاسىنان – 32
