22 قىركۇيەك كۇنى قالا اۋماعىن كوگالداندىرۋ جانە سانيتارلىق تازالاۋ بويىنشا جالپىقالالىق سەنبىلىك وتەدى.وسىعان وراي ءبىز استانا اكىمدىگى اپپاراتى قالا تىرشىلىگىن قامتاماسىز ەتۋ جانە ينفراقۇرىلىمدى دامىتۋ ءبولىمىنىڭ باس مامانى گۇلميرا بۋلاەۆاعا سەنبىلىك توڭىرەگىندە ساۋالدار قويعان ەدىك.
– وقىرماندار تاراپىنان «سەنبىلىككە قالاي قاتىسامىز» دەگەن سىقىلدى سۇراقتار تۋىپ جاتادى…
– قالىپتاسقان داستۇرگە وراي, مۇنداي سەنبىلىكتەر جىلىنا ەكى رەت, كوكتەمدە, مامىر مەرەكەسى قارساڭىندا جانە كۇزدە, الداعى قىس ماۋسىمىنا دايىندىق الدىندا ءوتىپ وتىرادى. ونىڭ نەگىزگى ماقساتى – قوعامنىڭ نازارىن قالا كوشەلەرىنىڭ تازالىعىنا, ەكولوگيالىق مادەنيەتتى قالىپتاستىرۋ ماسەلەسىنە تارتۋ. قالا كوشەلەرى مەن اۋلالار اباتىن ودان ءارى جاقسارتۋعا ۇلەس قوسۋعا نيەتتى ەلوردالىق بارلىق تۇرعىندار مەن مەكەمەلەر قاتىسا الادى.
– ال, الداعى جالپىقالالىق سەنبىلىككە قانشا مەكەمە ۇجىمى قاتىسادى دەپ كۇتىلۋدە؟
– يگى شاراعا اتسالىسۋعا نيەت بىلدىرگەندەر قاتارى كوپ-اق. دەسە دە, ول كۇنى كوممۋنالدىق قىزمەتتەرگە 70 مىڭعا جۋىق قالالىق ازاماتتار مەن 3,5 مىڭ كاسىپورىن, مەكەمە, ۇيىمدار قوسىلادى دەپ كۇتىلۋدە. جالپىقالالىق سەنبىلىككە قاتىساتىن ءبىلىم جانە دەنساۋلىق ساقتاۋ سالاسىنداعىلار قوقىس جيناۋعا ارنالعان 15 مىڭ پاكەت, 9 مىڭ جۇمىس قولعابى, اكتەۋ جانە وزگە دە ماتەريالدارمەن قامتاماسىز ەتىلەدى.
– تەحنيكا جاعى دا ساقاداي ساي بولار؟..
– شاراعا قاتىسۋشىلارعا 300 بىرلىك اۆتوماشينا جانە وزگە دە مامانداندىرىلعان تەحنيكالار كومەكتەسەدى. شامامەن 1-1,5 مىڭ توننا قوقىس جينالماق جانە ونى شىعارۋ ءۇشىن 100 جۇك ماشيناسى, 300 اۆتوماشينا تارتىلادى.
اسحات رايقۇل
8 قىركۇيەك كۇنى وتكەن كوممۋنالدىق سەنبىلىككە 10 مىڭنان استام ادام قاتىسىپ, 36 جۇك تيەگىش جانە 100 اۆتوماشينا جۇمىلدىرىلىپ, 758 توننا قوقىس شىعارىلدى.
