سەربيالىق ينۆەستورلار ەلوردانىڭ قۇرىلىس سەكتورىنا شامامەن 80 ملرد تەڭگە جۇمسايدى. نۇر-سۇلتان قالاسىنىڭ اكىمى التاي كولگىنوۆ, سەربيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ۆلادان ماتيچ جانە قازاقستان رەسپۋبليكاسىنىڭ سەربيا رەسپۋبليكاسىنداعى قۇرمەتتى كونسۋلى ميلانكا كاريچ تۇرعىن ءۇي كەشەنىنىڭ قۇرىلىسى ماسەلەلەرىن تالقىلادى.
كەزدەسۋدە التاي كولگىنوۆ قولايلى ينۆەستيتسيالىق كليمات ءۇشىن بارلىق جاعداي جاسالاتىنىن اتاپ ءوتتى.
«Moody’s Investors Service» حالىقارالىق رەيتينگ اگەنتتىگىنىڭ ەسەبىنە سايكەس, ەلوردانىڭ نەسيەلىك رەيتينگى جاقسى جاعىنا وزگەردى. باعالاۋ كەزىندە قالانىڭ ينۆەستيتسيالىق رەيتينگى دە ەسەپكە الىندى.
