بەلارۋستەن كەلگەن دەلەگاتسيا «سەرگەك» جۇيەسىنە قىزىعۋشىلىق تانىتتى. ەلوردانىڭ IT سالاسىنداعى جەتىستىكتەرى كورشىلەس ەلدەردىڭ قالالارى مەن وڭىرلەرىنە ەنگىزۋ ءۇشىن قىزىعۋشىلىق تۋدىرادى.
جاقىندا بەلارۋس دەلەگاتسياسى 109 ikomek-تە بولىپ, قوناقتارعا «سەرگەك» جۇيەسىنىڭ فۋنكتسيونالدىق مۇمكىندىكتەرى تانىستىرىلدى, سونداي-اق احۋالدىق ورتالىقتىڭ تۇجىرىمداماسى تۋرالى ايتىلدى.
دەلەگاتسيا نۇر-سۇلتان قالاسىنىڭ قاۋىپسىزدىك سالاسىنداعى پراكتيكالىق تاجىريبەسىن, سونداي-اق باستامالاردىڭ ىقتيمال يمپورتىن زەردەلەۋ جانە ىنتىماقتاستىق ماقساتىندا كەلدى. كەزدەسۋ قورىتىندىسى بويىنشا دەلەگاتسيا قالانىڭ جەرگىلىكتى تسيفرلىق جوبالارىمەن تانىسقانى ءۇشىن العىسىن ءبىلدىردى.
ەستەرىڭىزگە سالا كەتەيىك, بۇعان دەيىن ەلوردانىڭ IT-شەشىمدەرىن ماسكەۋ مەن قازاندا وتكەن كونفەرەنتسيالاردا شەتەلدىك جانە جەرگىلىكتى قاتىسۋشىلار لايىقتى اتاپ وتكەن بولاتىن.
«سەرگەك» – اۆتوماتتاندىرىلعان جۇيە. ول جىلدامدىقتى اسىرۋ, اۆتوبۋستاردىڭ قىزىل سىزىقتى باسىپ ءوتۋ سىندى ءتارتىپ بۇزۋشىلىقتارىن انىقتاپ قانا قويماي, ونى تالداپ وتىرۋعا دا قاۋقارلى. بۇل ادامدار قاۋىپسىزدىگى ءۇشىن ماڭىزدى. جوبا ىسكە قوسىلعاننان بەرى ونى ەنگىزۋدىڭ ارقاسىندا جول-كولىك وقيعالارى سانى 42 پايىزعا تومەندەدى.
