نۇر-سۇلتان قالاسىنىڭ اكىمدىگىندە «الەمنىڭ سايلاۋ جۇيەسى» اتتى ينتەرنەت-وليمپياداسىنىڭ قاتىسۋشىلارىن ماراپاتتاۋ ءراسىمى ءوتتى.
وعان بىرقاتار ءماسليحات دەپۋتاتتارى مەن مەكتەپ وقۋشىلارى قاتىسىپ, سايلاۋ تۋرالى ونىڭ الەم ەلدەرىندەگى وتكىزىلۋى, دەموكراتيا ۇستانىمدارى مەن ءسوز بوستاندىعى جونىندە اڭگىمە ءوربىتتى. سايلاۋ ۇدەرىسى اسىرەسە مەكتەپ وقۋشىلارىن قاتتى قىزىقتىراتىنى بايقالدى. حالىق قالاۋلىلارىنا وسى تۇرعىدا بىرنەشە سۇراق قويىلىپ, وقۋشىلار وعان قاناعاتتانارلىق جاۋاپ الدى.
– جاستاردىڭ وسىنداي سايلاۋدىڭ ۇيىمداستىرىلۋى ۇدەرىسىنە اسا قىزىعۋشىلىعى ءبىزدى قۋانتادى. ەلوردالىق مەكتەپتىڭ جوعارى سىنىپ وقۋشىلارى وسى دوڭگەلەك ۇستەل بارىسىندا وزدەرىنىڭ وي-ورىستەرىن تانىتىپ قانا قويعان جوق, الداعى ۋاقىتتا باس قالادا بەلسەندى سايلاۋشىلاردىڭ قالىپتاسىپ كەلە جاتقانىن دا انىق بايقاتتى, – دەيدى نۇر-سۇلتان قالالىق سايلاۋ كوميسسياسىنىڭ توراعاسى باقىت بەكتەمىسوۆا.
https://youtu.be/2FRU9X9E7Ok
