«شابىت» جاستار شىعارماشىلىعى فەستيۆالىنە قاتىسۋعا وتىنىمدەر قابىلداۋ باستالدى

3-8 قاراشادا استانادا XIX «شابىت» حالىقارالىق شىعارماشىل جاستار فەستيۆالى وتەدى. بيىل كونكۋرسانتتار التى نوميناتسيادا سايىسقا تۇسەدى. بايقاۋ قورىتىندىسى بويىنشا كلاسسيكالىق مۋزىكا, حالىق مۋزىكاسى شىعارمالارىن ۇزدىك ورىنداۋشى, ۇزدىك ەسترادالىق ۆوكال ورىنداۋشىسى انىقتالادى, سونداي-اق, دارىندى ارتىستەر «بەينەلەۋ ونەرى», «ۇزدىك ادەبي شىعارما» جانە «حورەوگرافيا» نوميناتسيالارىندا باقتارىن سىنايدى.

كونكۋرسانتتاردى ىرىكتەۋ ءۇش تۋرمەن وتەدى. قاتىسۋشىلاردىڭ رەپەرتۋارى مەن ءاربىر مۋزىكالىق اسپاپقا ارنالعان شىعارمالاردى ۇيىمداستىرۋشىلار الدىن الا بەلگىلەپ قويدى. ءاربىر نوميناتسيا بويىنشا كونكۋرستى وتكىزۋ باعدارلاماسى مەن وتكىزۋ ورنى تۋرالى تولىق اقپارات www.shabyt.astana.kz سايتىندا جاريالانعان, سونداي-اق, 16-دان 35 جاسقا دەيىنگى جاستار فەستيۆالعا قاتىسۋعا ءوتىنىم بەرە الادى. وتىنىمدەردى قابىلداۋ 20 قازانعا دەيىن جالعاسادى.

«شابىت» حالىقارالىق شىعارماشىل جاستار فەستيۆالى 19-شى رەت وتكىزىلىپ وتىر. اتالعان شارا ونەر الەمىندەگى ماڭىزدى وقيعا بولىپ تابىلادى. بۇل – جاس دارىندارعا ۇلكەن ساحناعا شىعۋعا مۇمكىندىك بەرەتىن بىرەگەي الاڭ. وسى كۇنگە دەيىن فەستيۆالعا ونەردىڭ ءتۇرلى جانرلارى بويىنشا 10 مىڭنان استام ادام قاتىسقان. تانىمال شوۋمەن تۇرسىنبەك قاباتوۆ, اقىن قالقامان سارين, بالەت ءارتىسى ايگەرىم بەكەتاەۆا, وپەرا ءانشىسى ايگۇل نيازوۆا, «مەلومەن» توبى, اشا ماتاي, قايرات باەكەنوۆ جانە باسقا دا تانىمال تۇلعالار ءار جىلدارى فەستيۆالعا قاتىسىپ, گران-پري يەگەرلەرى اتانعان.

ايتا كەتەيىك, فەستيۆالدا تەك قازاقستاندىقتار عانا ەمەس, شەت مەملەكەتتەردىڭ دە جاستارى باعىن سىنايدى. بۇعان دەيىن «شابىت» فەستيۆالىنە اۆستريا, يزرايل, يتاليا, ليتۆا, اقش, تۇركيا, فرانتسيا, سونداي-اق, بەلورۋسسيا, قىرعىزستان, پولشا, رەسەي جانە وزبەكستان وكىلدەرى قاتىسقان.

قاراشادا 3-ءى مەن 8-ءى ارالىعىندا بارشاعا كونكۋرسانتتاردىڭ ونەرىن تاماشالاۋعا بولادى. كورەرمەندەر ءۇشىن كىرۋ – تەگىن.

astana.gov.kz