25 ماۋسىم كۇنى ەلوردامىزداعى №81 مەكتەپ-گيمنازياسىنىڭ فۋتبول الاڭىندا AMANAT پارتياسىنىڭ «ەسىل» جانە «بىرلىك» فيليالدارى بپۇ-لار اراسىندا شاعىن فۋتبولدان تۋرنير وتكىزدى.
ەلوردا كۇنىنە ۇيىمداستىرىلعان سپورتتىق شارانىڭ ماقساتى – سالاۋاتتى ءومىر سالتىن ناسيحاتتاۋ جانە بۇقارالىق سپورتتى دامىتۋ بويىنشا قازاقستان رەسپۋبليكاسى پرەزيدەنتىنىڭ جولداۋىن ىسكە اسىرۋ, پارتيالىقتار اراسىندا دوستىق قارىم-قاتىناسىن نىعايتۋ بولىپ تابىلادى.
سپورتتىق جارىستاردىڭ ۇيىمداستىرۋشىلىعىنا بەلسەنە ارالاساتىن AMANAT پارتياسى «بىرلىك» فيليالىنىڭ اتقارۋشى حاتشىسى شىڭعىس قوجاحمەتوۆ ءتۋرنيردىڭ سالتاناتتى اشىلۋىندا ءسوز سويلەپ, پارتيا وكىلدەرىن تارتىستى باسەكەگە جۇمىلدىرىپ, قاتىسۋشىلارعا ساتتىلىك تىلەدى. ول شارا ماقساتىنىڭ ءبىرى – بىرلىك, دوستاستىق قارىم-قاتىناسىن نىعايتۋ ەكەندىگىن باسا ايتتى.
كوماندالار اراسىندا جارىس اينالمالى جۇيەدە ءوتتى, ياعني بارلىق كوماندا ءبىر كەزدەسۋدەن وتكىزدى. ءاربىر باستاۋىش پارتيا ۇيىمىنان ءبىر عانا كوماندا جىبەرىلدى. ويىن بارىسىندا ءار توپ ءوز جانكۇيەرلەرىنىڭ, ۇيىم وكىلدەرىنىڭ قولداۋىن سەزىنىپ, كىل مىقتىلار انىقتالعان ويىن جاز ايىنىڭ اپتاپ ىستىعىنا قاراماستان, تارتىستى باسەكەگە ۇلاستى.
25 كوماندا باقتارىن سىناعان ويىندا «قازاقتەلەكوم» اق-نىڭ كومانداسى جەڭىسكە جەتتى. ماتەريالدىق-تەحنيكالىق قامتاماسىز ەتۋ باسقارماسى ەكىنشى ورىندى قانجىعاسىنا بايلاسا, «نۇر استانا قۇرىلىس» جشس-ءى ءۇشىنشى ورىندى قاناعات تۇتتى. ۇزدىك قاقپاشى رەتىندە بەيسەنباەۆ ايانبەك, ۇزدىك قورعاۋشى – اسىلبەك داۋرەن, ۇزدىك مەرگەن بيسماگانبەتوۆ ۆالەري جانە ۇزدىك ويىنشى دارەجەسىندە جالگاسوۆ ازامات ماراپاتتالدى.
جۇلدەلى ورىندارعا يە بولعان كوماندالارعا ەستەلىك كۋبوكتار مەن ءتيىستى دارەجەدەگى ديپلومدار تابىستالدى. ءار كوماندا جارىسقا بەلسەنە قاتىسقانى جونىندەگى ماقتاۋ قاعازدارىنا يە بولدى.
ءبىز ءوز كەزەگىمىزدە ءتۋرنيردى ۇيىمداستىرۋعا اتسالىسقان بارشا قاتىسۋشىلارعا العىس بىلدىرە وتىرىپ, جارىستا وزا شاپقان سپورتشىلاردى جەڭىستەرىمەن قۇتتىقتايمىز!
AMANAT پارتياسى نۇر-سۇلتان قالالىق فيليالىنىڭ ءباسپاسوز قىزمەتى
