كوكتال-2 ىقشام اۋدانىنداعى №68 ورتا مەكتەپتە وقۋشىلار سارايىنىڭ «شۇعىلا» اتتى قوسىمشا ءبىلىم بەرۋ ورتالىعى اشىلدى. ءىس-شاراعا قر ءماجىلىس دەپۋتاتى زاعيپا باليەۆا, كولىك جانە كوممۋنيكاتسيا كوللەدجىنىڭ ديرەكتورى, ءماسليحات دەپۋتاتى زۇلپىحار گايپوۆ سەكىلدى ازاماتتار قاتىستى.
«بۇل – ءبىلىم ورداسى قالانىڭ شەت جاعىندا ورنالاسقان. سوندىقتان بالالاردىڭ قوسىمشا ءبىلىم الۋعا مۇمكىندىگى بولا بەرمەيدى. وسى ماقساتتا اتالعان ورتالىقتى اشىپ وتىرمىز. ەندى وقۋشىلار بوس ۋاقىتتارىن ءتيىمدى پايدالانىپ, شىعارماشىلىق قابىلەتتەرىن دامىتىپ, سپورتپەن اينالىسۋعا كەڭ جول اشىلادى دەپ ويلايمىن. الداعى تاڭدا وسىنداي ورتالىقتى شاھاردىڭ شەتىندەگى باسقا مەكتەپتەردەن اشۋ كوزدەلىپ وتىر» دەدى وقۋشىلار سارايىنىڭ ديرەكتورى ەربول ىرگەباي.
جاڭا ورتالىققا ءماجىلىس دەپۋتاتى زاعيپا باليەۆا دا ىزگى لەبىزىن ءبىلدىردى. ورتالىقتا روبوتوتەحنيكا, 3D مودەلدەۋ, حورەوگرافيا, بەينەلەۋ ونەرى, ساندىك-قولدانبالى ونەر, ۆوكال, حالىق اسپاپتارى, اعىلشىن جانە قىتاي تىلدەرىن ۇيرەنۋ ۇيىرمەلەرى مەن توعىزقۇمالاق, شاحمات, فۋتبول, باسكەتبول, ۆولەيبول, دزيۋدو سەكىلدى سپورت سەكتسيالارى جۇمىس ىستەيدى. جەتكىنشەكتەرگە ساباقتى وقۋشىلار سارايىنىڭ بىلىكتى ماماندارى جۇرگىزەدى.
قازىر ورتالىق اپتاسىنا 1000-عا جۋىق بالانى قوسىمشا ءبىلىم بەرۋمەن قامتۋدى جوبالاپ وتىر.
